Shillong, Oct 6: Wildlife Week 2025 ong·engmitingo, Zoological Survey of India (ZSI), Shillong-ni North Eastern Regional Centre “Mongma-mande-ni gisepo neng·nikanirang”-ni bidingo salsana mikrakatani programme-ko ong·atangaha aro ianona bang·a researcher-rang, skigiparang aro chatro-chatrirang re·bae, manderang aro mongmarangni gisepo neng·nikanirangko namatna pangkamgipa cholrangni gimin agangrikanirangko dakangaha.
Ia tom·bimonganio do·o-matrangko ripinganina kam ka·gipa mingsinggipa manderang bak ra·angaha jekai Gauhati University-ni retired professor of Zoology Prof P. C. Bhattacharjee, Aaranyak-ni Deputy Executive aro Programme Secretary Dr Bibhuti Prasad Lahkar, aro St. Peter’s College, Shillong-ni Principal Peter Thorose.
Salgro-Salaram jolo manderang aro matburungrangni gisepo chagrongenggipa neng·nikanirangara burung-bolgrimrang komiangrororoani aro janggi tangani dingtangroroani a·sel ong·a ine aganenba, science, sorkari aro matburungrangna ka·sachakani gnang niamrangko tarina nangenga ine Prof. Bhattacharjee aganangaha.
Dr Lahkar, Assam-o mande aro mongmani gisepo neng·nikanirangko namatani cholrangko dakani bidingo songni-nokni manderangni chu·soke dakgiminrang jekai seng·gnang mikrakataniko on·anirang aro ge·a-gamanirangko chel·chakna guare kaanirangni gimin talate, matburungrang baksa dongbrinaniko tangmesokgiparang ong·a ine aganangaha.
Uandake, songni-nokni manderangni gisik nange an·tangtangni dongramko nirokanichi pangkamgipa ripingani cholrangko ra·bana man·a inenba, matburungrangko ripinganio bakrimna songni-nokni manderangna nambata cholrangko on·na nanga ine Thorose aganangaha.
Ia tom·bimonganio NERC-ZSI-ni Scientist-E aro Officer-in-Charge Jennifer Lyngdoh rimchaksoani kattarangko agane a·bachengataha aro uni ja·mano, Scientist-D, Dr Saipari Saio salni chanchirimani bidingo agan-talate on·anirangko dakangaha. Uandake, Scientist-D, Dr Uttam Saikia manderangni gisepo u·i-ma·sianirang aro dingtang dingtang dolrangni bakrime kam ka·anirangni gimin agane tom·bimonganiko matchotataha.
Shillong-ni nambatgipa college-rang jekai St. Anthony’s, St. Edmund’s, St. Peter’s, St. Mary’s, Shillong College, Sankardev College aro Lady Keane College-ni chatro-chatrirang ao skigiparang gisik nange bak ra·angaha, aro manderang aro mongmarangni gisepo nangrimgrikaniko ra·bana agangrikanirangko dakangaha.
Na·simang iakoba nina man·gen:
Na·simang iakoba poraina man·gen: Zubeen sagini bidingo am·sandianio Singapore-ni ia case-o bak donggiparang bakrimgen: CM Sarma
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
