Shillong, August 20: Budbar pring 10 bajimango Umpling, Lumdiengmet-o gas cylinder bretaha ine chanchichipenga aro ia a•sel ong•anio sakgni BSF dolni manderang saknaaniko man•aha.
Gas selani ba LPG cylinder bretani a•sel ia obosta ong•aha ine chanchichipenga indiba chong•motgipa obostako police-rang sandiengkua.
Saknaako man•gipa manderangara BSF dolni sipairang- Sandeep Kumar aro Subham Cheran Momin ong•a. Ia obosta ong•ani somoio uamang sakgnian nokningo ong•achim.
Uamang sakgniko Umpling campus-o donggipa BSF hospital-ona rimangchengaha. Bang•e saknaaniko man•ahani gimin, uamangko nambate sanna-bananiko dakna ineba NEIGRIHMS-ona rimangaha. Agannani gitade, uamangoni saksani obosta namrorojani gimin uko dingtangmancha sanna inenba Guwahati-ona watataha.
Koborko man•soani gitade, cylinder bretanichi nokna aro wilwilao donggipana bang•a nosto ong•anirangko ra•bae, nokni manderangna namen neng•nikanirangko ra•baaha. Cylinder bretna skang gas-ni selani somoio pilakko naljoke rakkina inenba BSF dolni sipairang ua biapona rikangahachim.
Ia obosta namen kenjagokanirangko ra•baaha aro bosturang bretenba uni wilwilao til•pripraaha aro bretani namen rake gam•enba sepango donggiparangko kenataha ine noksulrang aganaha.
Ia cylinder bretaniara maini a•sel mancha ong•aha u•ina inenba da•o police dolrang sandianirangko dakenga.
Na·simang iakoba nina man·gen:
Na·simang iakoba poraina man·gen: GSMC-ni member-rang Union Minister Jual Oram-ko grongenba memorandum-ko on·ea
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
