Gangtok, Jul 2: Sikkim a•dokko songsul ‘a•song’ ine aganahani gimin Indian National Congress (INC)-ni dilgipa Dr Ajay Kumar-ko Sikkim Krantikari Morcha (SKM) aro Bharatiya Janata Party (BJP)-ba matnangataha.
Dr Kumar-ni iandakgipa kattako jegalatengon, Sikkim a•dokba 1975 bilsionin India a•songni bak ong•paahachim aro a•songni saksa dilgipa ong•e iandakgipa kattarangko agananiara uni ma•sigijaniko mesokan baksana Sikkim a•dokni manderangko gisik saatani gita ong•aha ine Chief Minister-ni Press Secretary Yougan Tamang parakataha.
Jinmani mikkango iandakgipa kattarangko skatang aganna skang, a•songni bidingo name ma•sichengna ba sandichengna nanga ineba ua aganaha.
Sikkim a•dokni manderango kema bi•amangmangde chu•ongjawa ine janapatengon, Dr Ajay Kumar-ni kosako rakgipa ja•kurangko de•china gita Tamang, INC-ni dilgiparangko didiataha.
Dr Ajay Kumar-ni agangipa kattarangko BJP Sikkim Unit-ni gitaba jegalatengon, Sikkim a•dokko ‘songsul a•song’ ine agananiara a•songni kosako aganani gita ong•aha ine BJP Sikkim unit-ni dilgipa Passang Sherpa parakataha.
Sikkim a•dokko songsul a•song ine agananiara Dr Ajay Kumar-ni agansretani ong•ja indiba Sikkim a•doko so•sojengjeng ong•aniko ra•bana miksonganisa ong•a ineba Sherpa aganaha.
India a•song baksa bak ong•aoni bilsi 50 gapaniko adita salrangna skangsan Sikkim a•dokni manderang kusi ong•bee maniangtokaha ine janapatengon, Dr Kumar-ni iandakgipa kattarangko agananiara a•songo dingtang dingtang jatrangni tom•tome songdong a•chaaniko golmal ong•atna jotton ka•ani gitasa ong•aha ine BJP Sikkim unit-ni dilgipa aganaha.
Sikkim a•dokni manderango kema bi•china dabiangan baksana Dr Kumar-ni kosako rakgipa ja•kurangko de•china gita Sherpa-ba, INC-ni dilgiparangko didiataha.
Na·simang ia video-koba nina man·gen:
Na·simang iakoba poraina man·gen: Sima ario so·sojengjeng ong·engani gisepo Lapangap-ona Police-rangko watdapata: Paul Lyngdoh
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
