Gangtok, Oct 10: India sorkari-ni Department of Biotechnology, Sikkim a·doko elaichi dal·gipa-ko game-ge·e cha·aniko namdapatna, namgipa gadango biotechnology project-ko a·bachengatna inenba kror 8.06 tangkarangko chammaha. A·doko ge-20,000 nokdangrangna baten ia elaichi dal·gipako ge·e-game cha·enba janggi tangani cholrangko dakenga.
“Ia bite-ara chingni a·dok, dakbewal aro janggi tangani cholrang baksa namen ning·tue bakrimgipa ong·a. Indake ong·genchimoba, re·anggipa bilsi 20-rang ni gisepo, chingni game-ge·e cha·giparangoni 60% a·arangko jakkalna man·jaha, aro elaichi bipangrangni bisi 12-15 tangaoni da·o bilsi 5-6rangnasan tangaingaha ine chinga nikna man·enga,” ine Science and Technology Department-ni Secretary, Dr. Sandeep Tambe aganangaha.
Game cha·giparang dingtang dingtang neng·nikanirangko chagrongenga jekai chirke (viral) aro foorke (fungal) sabisirang, a·a mitimani komiroroani, aro ge·a-gamanichi bang·a dingtang dingtang rokomrangni sam-bolrangni gimaangroroanirang. Ian sabisirang, a·mang aro genetics-ni neng·nikanirang ong·a, aro uni gimin pangkamgipa cholko sandina ine sorkari gital gadangni biotechnology-ko jakkalna tik ka·aha ine Tambe talate on·angaha.
Ia bilsi gnini project-ko ge-bonga national institure-rang jako ra·e kam ka·anggen, jekai International Centre for Genetic Engineering and Biotechnology, National Centre for Plant Genome Research, aro National Centre for Biological Sciences. A·songo nambatgipa scientific manderang antifungal sam-rang, virus-ko warachakani cholrang, a·mangko namdapatani bewalrang aro sabisiko warachakna amgipa gital rokomni chara-rangko tarina gisik nange kam ka·anggen,” ine ua agandapaha.
Lab research-ko Delhi, Bengaluru, aro Chandigarh-o ong·atanggen, indiba bagano ge·e niani aro game cha·giparang baksa agangrikanirangko Sikkim-o dakanggen.
“Ian chara-rangko sualani bidingo ong·ja. Iade game cha·giparangko nambata game cha·aniko dakna, a·arangko bilakbatatna, aro elaichi dal·gipana mikkangchi pangkamgipa cholrangko on·na scientific bewal-ko on·ani giminsa ong·a,” ine Tambe talatangaha.
Na·simang iakoba nina man·gen:
Na·simang iakoba poraina man·gen: Shillong Viewpoint ramako tarie on·china MDC tom·anirangko dakdila
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
