Shillong, July 11 : 2025 bilsini July 11 tariko, Shillong songjinmao LARITI-o ong·atgipa dingtangmancha tom·bimonganio, Meghalaya a·dok kror 1.087-na batgipa dal·dalgipa dingtang dingtang project-rang jekai chadamberangko bil gnangatani, tourism, digital ong·atani, me·chikrangna naljokani aro kal·chakram biaprangko rikani project-rangko a·bachengatani bidingo parakataha, jeon Union Finance Minister Nirmala Sitharaman aro Meghalaya a·dokni Skotong Minister Conrad K Sangma dongpae bakko ra·angaha.
Ia project-o songadam biaprango donggipa manderangna online gita skie ra·anirangko man·a dakchakaniko on·a kror 162-chi dam 75 digital library-rangko a·bachengatanikoba man·chapa. Minggipin mongsonggipa project-ara, bilsio lakh 1.27-na bate songrebagiparangko salbana aro sak 4,000 manderangna kamrangko nakatatna miksonganio Umiam Lake-ko tourist spot dakatna taridapanian ong·a, jenan kror 120.81 tangkarangko koros ka·anggen.
Uasan ong·aigija, Mawkhanu-ni acre 106 mang biapo kror 103 damni dal·begipa tourist park-koba rikanggen, jeon nokking grigipa theatre-rang, theme park-rang aro bang·bata tourist-rangko salbana man·a gita manianirangko ong·atna biaprangkoba dongen. Meghalaya a·dok, iana agreba, NorthEast United FC baksa bakrimenba nambatgipa Football stadium aro training academy-koba rikna miksongenga. Ia 732 kror-ni project-ara Meghalaya a·dokko India-ni Football Capital ong·atna miksonganiko ra·doani ong·a.
Mikkang niategri ong·atna gita, kror 132 tangkarangko Shillong, Jowai, Byrnihat aro Tura-o Working Women’s Hostel-ko rikna jakkalanggen. New Shillong-o tax Office aro housing-na, kror 256.23 tangkarangchi chasong gitalni CBIC Complex-koba rikna mangsongenga. Uasan ong·aigija, tangka gong 100.95 kror tangkarangko, Delhi-ni a·palo Salgro Salaram jolni skanggipa Indian Institute Of Corporate Affairs campus-koba rikanggen.
Union Finance Minister, Nirmala Sitharaman, SASCI scheme-ni ning·o ma·mongni on·atgipa kror 5,400-ko name jakkalahanina Meghalaya a·dokko ra·doe aganangaha. A·doko km 540 mangna bate ramarangko tarianiara namen tangdobataniko ra·baaha ine janapatengon, sason ka·anio kakket ong·ani aro mikkang nitea gri ong·na nangchongmotani giminba ua aganangaha.
Skotong Minister Conrad K Sangma, Union Minister-ni re·baaniara ma·mong sorkarini manderang baksa meli nangrimaniko mesoka ine aganangaha. Meghalaya a·dokko 2030 bilsio India-ni nambatgipa dam 10 a·dokrangoni ge·sa ong·atpana uni miksongani baksana a·dokni economy-ko $10 billion-ona sokdoatna miksonganikoba Skotong Minister parakataha.
Ia tom·bimonganiko ong·atanio, ma·mong sorkarini scheme-rang jekai PM MUDRA, PM SVANidhi, PMEGP aro NPS Vatsalya-ni namgnirangko man·giparangna chonchongipa bading chiwalaniko a·bachengatna tangka paisani gita dakchakanirangko on·angaha.
Iani gisepon, samgri gama ge·aniko ra·doani bak gita, Union Finance Minister Nirmala Sitharaman, Ri-Bhoi-ni Jarang Organics-ni samgri ge·gipa anarosrangko oprake on·angaha. Ia anarosrangko, Megha-LAMP program-ni ning·o Dubai-ona watatenga.
Deputy Chief Minister Sniawbhalang Dhar, Cheif Secretary Donald Phillips Wahlang, CBIC Chairperson Sanjay Kumar Agarwal aro Ministry Of Corporate Affairs-ni Secretary, Deepti Gaur Mukerjee-ba iano dongpae bakko ra·angpaaha.
Na·simang ia video-koba nina man·gen:
Na·simang iakoba poraina man·gen: Paikan Reserve Forest-o niamgri dongenggiparangko Sonibar saloni a·rikgalna a·bachengatgen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
