Shillong, June 4: Meghalayani Sohra-oni (Cherrapunjee) chadambe me·chik saksan Insan Hamesha Lyndem minggipa, Taiwanni Ministry of Education-ni 2025 Huayu Enrichment Scholarshipna seokako man·aha. Ru·utgija salrangni gisepon ua India-ni gipin chatro-chatrirang baksa Taiwan-ona jadokna Mandarin ku·sikko skie ra·na re·anggen.
Assam Don Bosco Universityni (ADBU) Taiwan Education Center-o Lyndem Mandarin ku·sikko 2022 bilsioni skie ra·na a·bachengaha. Bilsisani ja·mano ua Taiwanni Mandarin ku·sikni porikka, Test of Chinese as a Foreign Language-ko (TOCFL) see namgipa biterangko man·aha aro Huayu Enrichment Scholarshipna galatna man·aha.
Taiwan-ni ku·sik aro janggi tangani bewalrangko a·gilsak gimikna ine mesokna, ia scholarshipni ning·o Indiani adita chatro-chatrirangko seoke Taiwan-o donge ku·sikko skie ra·na japrako 25,000 Taiwan Dollar-rangko (Rs. 65,000-mang) on·a. Lyndem-na agreba Assam aro Manipur-oni sakgittam manderangko, uamangna ADBU-o Mandarin ku·sikko skigipa, Ms Kuei-Mi Li seokataha.
“Mandarin-ara ku·siksan ong·aija indiba cholguga ong·a. A·gilsakni dingtang dingtang kamrangko ka·anio jekai technology, bading-chiwalani aro uandakgiparango ia ku·sikko jakkala. Anga iandakgipa a·gilsakni gimin poraichae dongna sikja, indiba iako u·ie ra·na ska,” ine Lyndem aganaha.
Mandarin klasrango ua ku·sikko aganna, poraina aro senasan skie ra·aijaha indiba: chakchikani, manderangni janggi tangani bewal, aro ka·donganikoba skie ra·aha. “Mandarin ku·sik angko gisik nangatna, jekoba ka·sine chanchie dakna aro manderang aro uamangni chanchianirang baksa bakrimna dakchakaha,” ine ua agandapaha.
An·tangko seoka man·aha ine kobor man·on ua namen kusi ong·beaha aro rasong chaaha, aro indita kontarangna skie ra·ani namgniko man·aha ine uni skigipa, Ms. Li-ko uamangna dakchakanina aro didianina mitele aganaha.
“Ia scholarship-ara nambata gadangona re·angani dolong ong·a. Taiwan-ara technologyni gita namen bilakgipa, democracyni bidingo niksenggipa aro chatro-chatrirangna nambatgipa biaprangoni damsa ong·a. Iako man·anichi anga global citizen ong·na cholko man·enga,” ine ua talata baksana, India-ni Salgro-Salaram jolrango donggipa chadamberangko Mandarin ku·sikko skie ra·china aro Taiwan-ni language scholarshiprangna galchinaba Lyndem didiangaha.
India-ni Salgro-Salaram jolo donggipa pilakan Ia ADBU-ni Taiwan Education Center-o Mandarin klasrango napna on·enga. Gisik nanggiparang +91 9365096013 -ona ka·e sing·atna man·gen.
Na·simang ia video-koba nina man·gen:
Na·simang iakoba poraina man·gen: M’laya-ni skanggipa ‘yacht’ Meghalinor-ko CM a•bachengate on•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
