Tura, June 2: South West Garo Hills-ni Damalgre Block-ni ning•o donggipa Sonamite songo jasana “Khet Bachao Abhiyan”-o pangchake campaign-ko june-ni 1 tarikoni a•bachengatangaha. Ia program-ko tura, Community Science-ni college, All India Coordinated Research Project on Women in Agriculture-ni ning•o ong•atangenga.
Ia campaign-ko, Focused Group Discussion aro Input Distribution Programme-ko ong•atanggipao a•bachengate on•angaha.
Dr. Namita Singh tom•anio jinmana aganprakangengon, ge•chakgipa gamchakgipa a•arangko nosto ong•aoniko champengnagita, scientific bewalrangko jakkale ge•na gamna mongsonggipa ong•anigimin ua janapangenba, game ge•e cha•aniko namdapatna aro uamangni jangitanganiko tangdoatna, pangkamgipa game ge•e cha•ani bewalrangko ja•rikchina ua didiangaha.
Ia camapingn-ko june-ni 1 oni 30 tarik, 2026 ona ong•atanggen. Ia program-ko, ge•e game cha•anirango a•arangni nosto ong•aoni chel•chakna, ma•manti jo•ongrangni a•arangko ba ge•gipa gamgiparangko nosto ong•ataoniko champengna aro game ge•a cha•anirango pangkamgipa bewalrangko, manderangna field demonstration aro dingtang dingtang activities-rangko dakate skie on•na miksonge ong•atenga.
Ia program-o game cha•giparang, songni nokni dilgiparang aro chatro chatrirang bak ra•angaenba ua jolo, wilwilao donggiparangna namgipa aro pangkamgipa ge•e game cha•ani bewalrangko ja•rikna on•kange kam ka•angen ine uamang parakangaha.
Na·simang iakoba nina man·gen:
Na·simang iakoba poraina man·gen: Boko-o donggipa karkana-rangoni jokbaenggipa jabolrang Kharkhari chibima-na kenchakani ong·enga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
