Boko, June 2: Shola-oni Trilochan-ona kingking Kharkhari chibimao hajalni hajal na·tokrangni sianiko nikna man·aha aro ian samtangtango donggipa biaprangni nosto ong·roroanina jajrenganiko nakatataha.
Chaygaon Industrial Centre-o donggipa karkanarang mongsongbate Brahmaputra Biochem Pvt. Ltd-oni jabolrangko simsakgija skatang chibima-ona watani a·sel dingtang dingtang na·tokrang sitokenga ine songo donggipa manderang matnangataha.
Iana skangba iandakgipa apsan obosta ong·ahachim, indiba maming ja·ku de·aniko dakjaha ineba jolo songdonggipa manderang janapataha. Changni chang badi ka·aniko dakgenchimoba, iano bak nanggipa department-rangoni mamingba aganchakaniko man·gijanina uamang gisiko suk ong·gijanikoba parakataha.
Ia ong·a obosta, na·tok rim·e cha·gipa nokdangrangna nangchakeaniko ra·baaha.
Samtangtango donggipa ong·telaigiparangni gimin u·i-ma·sigiparang, mikkangchiba jabolrangko indake galkuaia ong·ode ian chiningo aro buringo donggipa janggi gnanggiparang aro cha·ani ringanirangna nangchakeaniko ra·banaba donga ine mikrakataniko on·angaha.
Ia ong·a obosta, samtangtango donggipa ong·telaigiparangni nosto ong·roroanganiko champenganio bak nanggiparangko nambate nirokani aro bilakbate kam ka·aniko dakchina ku·rang on·aniko bariataha.
Na·simang iakoba nina man·gen:
Na·simang iakoba poraina man·gen: Tura, Chasingre-o truck gariko wa·al kamgnioniko champengatna man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
