Shillong, Mar 15: Robibar pringwalni 3:00 bajimango, Meghalaya a•dokni dingtang dingtang biaprango stilrang jimbee ga•akanichi nok-jamrang, gari gorarang aro bagan barirang bang•en nosto ka•ako man•e, bang•a nokdangrangan neng•nikanirangko chagrongna nangtokaha.
Stil baksana mikka balwaba ta•rakangaha aro mikka balwa ta•rakanganichi, Shillong, Nongstoin, Tura aro Baghmara jolrangon bang•en nangchakeaniko man•angaha.
Robibar pringwalo mikka balwa ta•rakangan baksana stilrangba minute 20-mangna dal•dalbee ga•akangaha aro stilrang, manderangni nokkingrang, gari gorarang aro bagan barirangko bang•en nosto ka•angaha.
Indake ong•engon, mikka balwa aro stilrang ga•akanganichi nangchakea man•gipa biaprangko nipilna gita Robibar salo a•dokni Chief Minister Conrad K Sangma, sorkari official-rang baksa tom•e chanchirimangaha aro nangchakea man•gipa manderangna ta•raken dakchakanirangko on•china sorkari official-rangna ge•etaniko on•angaha.
Ia tom•anio, a•dokni Chief Secretary, Revenue & Disaster Management Department-ni Commissioner & Secretary aro dingtang dingtang a•jani Deputy Commissioner-rangba bak ra•angaha.
Ia tom•anio a•dokni Chief Minister, sorkari official-rang baksa chanchirimangengon, mikka balwa aro stil ga•akgipa biaprangko sandienba, neng•nikanirangko man•enggipa nokdangrangna ta•raken dakchakanirangko on•china ge•etangaha.
Mikka balwa ta•rakanganio nosto ka•a man•gipa bijolirangko ta•raken tarie watpilchina aro manderangni nok-jamrangko tarina gita dakchakanirangko on•china gitaba ua district administration-rangna ge•etaniko on•angaha.
Stilrang dal•dale ga•akanichi chi pipe-rangba nosto ka•ako man•e manderang neng•nikanirangko man•na nangahani gimin manderangna ta•raken chirangko watpilchina gitaba Chief Minister ge•etangaha.
Na·simang iakoba nina man·gen:
Na·simang iakoba poraina man·gen: Niam gri chalaienggipa itta so•chakgipa karkanarangko WGH-o
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
