Tura, Apr 29: South West Garo Hills, Ampati-ni authority-rang, ding•anirang batroroengani gimin, chatro chatrirangni, skigiparangni aro staff-rangni an•seng baljokanina school somoirangko dingtangataha aro pringni 11 bajioni attamni 3 bajiona skulrango class ra•aniko champengataha.
Ia tik ka•taigimin somoirangko, May 3 tarikona kingking ja•rikchina ge•etaniko on•ataha aro unbaksana, skulni a•palo kal•susaaniko aro pringni assembly-ko dakatjachinaba u•iataha.
Indake, Upper Primary, Secondary aro Higher Secondary School-rang, pringni 7 bajioni 11 bajiona class-rangko ra•china aro Nursery aro Lower Primary School-rang April 30 tarikoni May 1 tarikona chipchina ine ge•etaniko on•ataha.
Iani gisepon, Lower Primary School-rango deworming ba kremi jo•ongko gimaatani samko on•enganikoba school authority-rang u•iataniko dakenga.
Chatro chatrirang, saloni naljokna man•a gita skulona re•baengon topi ba chattarangko jakkalchina aro skulrangoba chu•onga gita ringani chi aro be•enni chiko mangrake rakkigni ka•singipa ringanirangko simsake donchina aro saoba be•enni chi ran•atako man•e nom•bokgenchimode, uandakgipa chatro chatrirangna ta•raken sanna bananiko on•chinaba ge•etataha.
Indake, Evening aro Night School-rangde pangna ka•rongbaenga gitan apsan somoion ka•angchina ineba janapataha.
Na·simang ia video-koba nina man·gen:
Na·simang iakoba poraina man·gen: Na•tok rim•gipa ringoniko kg 173 drugs-ko man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
