Shillong, June 6: Bi·sarangni gisepo biji su·jringaniko ra·dona aro a·jao biji su·na gonggijani, kenani aro jajaani bidingo manderangna mikrakataniko on·a “Run for Health: Immunise Every Child, Protect Their Future” ine katta bichongko done km 5 ramako katsusaatgipao, Sakwang songni sak 44 chadamberang bak ra·angpaaha.
GVI HSS-3 program-ni ning·o Tattva Foundation, National Health Mission (NHM), Meghalaya aro UNICEF India-ni dakchakanichi ia program-ko ong·atangaha.
Ia katsusaaniko, Sakwang Urban Health and Welness Centre-oni a·bachengataha aro ia program-o bang·a chadamberang dongpae bak ra·angtokaha.
Ia program-ko ong·atani miksonganiara, chadambe bi·sarangna mikrakataniko on·e, banggija bi·sarangsan biji su·aigipa biaprango biji su·anina chakpaaniko on·china didianiko on·e, biji su·aniko bariatanian ong·a ine ong·atgipa dolrang aganangaha.
Tattva Foundation-ni dilgipa, ia program-o chadambe bi·sarangni bakko ra·paaniara biji su·anio ka·donganiko ra·bana dakchakan baksana nokdangni manderangko bi·sarangna janggi jokatgipa samrangko su·na gita didianiko on·gen ine janapataha.
District Medical and Health Officer (DMHO) office-ni official-rang aro District Administration-ni ia program-o dongpae bak ra·aniara, a·gilsak gimiko biji su·aniko giproroatna gita songsalni aro a·dok sorkarini apsan nangrime kam ka·na nangchongmotaniko mesoka.
Ia katsusaaniko ong·ataniara, Meghalaya a·dokni dingtang dingtang a·jarang jeon bang·gija bi·sarangsan biji su·aniko dakengachim, ua biaprango Community Immunization Day campaign-ko ong·atani dal·begipa bak ong·a.
Na·simang iakoba nina man·gen:
Na·simang iakoba poraina man·gen: Sima ari-ko guare kaanio M’laya a·dok skanggipa biapo ong·enga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
