Shillong, Mar 27: Sukrobar salo, Synod College-ni College Week manianiko matchotatanio aro college-ni Diamond Jubilee-ko Jaiaw-ni Students Field-o manianio, Meghalaya a•dokni Chief Minister Conrad K Sangma-ba bak ra•angaha.
Ia tom•bimonganio a•dokni Chief Minister, jinmana aganprakangengon, ia college-ni dal•rorobaanio bang•a manderangni janggi tanganikon dingtangataha aro chadamberangni janggi tanganiko Kristianrangni namgipa gunrangchi tariaha ine mittelpilaniko parakangenba, ia namgipa gunrangan chatro chatrirangko namgipa manderang ong•na aro songsalna on•gilgiparang ong•na dilaha ine aganaha.
An•tangni ia college baksa bak ong•aniko gisik ra•atpilengon, bilsi 10-na skang ua ia college-ni Golden Jubilee manianioba bak ra•paaha aro uni nokdangba ia college baksa nangrimgipa ong•a ine Sangma aganaha.
Lekka porani gamchataniko talate on•angengon, songsalni gita aro sorkarini gita dal•batsranggipa on•gilanide mandena a•gilsakni seng•ani aro changa sapaniko on•anian ong•a ine Chief Minister aganenba, songsalko dingtangatna aro a•dokko namroro silroroaniona ra•angna gitade lekka poranian bilakbatsranggipa kol ong•engkua ine parakataha.
Education Reforms Commission-ni agan-ku•pattie on•anirango pangchake lekka porani kamrangko nambatatna ka•enggipa kamrangkoba ua mittelpilangaha.
Lekka porani kamrangna a•dok sorkarini tangka paisarangko koros ka•ani bidingo janapangskaengon, adhoc aro deficit grant-rangchi dam 4500-na baten skulrangko dakchakna gita bilsio crore 1200-mangni gita koros ka•enga ine Chief Minister parakataha.
Deficit grant-ni ning•o skigiparangni dormaharangko on•na gita bilsio crore 120-mangni gita tangka paisarangko koros ka•enga aro ia namgniko man•enggipa institute-rangoni Synod College-ba damsa ong•paenga ineba ua aganaha.
Chadamberangna agan-ku•pattianirangko on•angskaengon, Meghalaya a•doko songdongenggiparangoni 50 percent-mangni gitade bilsi 20-ni ning•o ong•gipa chadamberangan ong•a aro ian a•dokna pil•sa gitade namgni aro pil•sade ra•biani ong•enga ine Chief Minister aganaha. Chadamberangko nama ramao dilna man•ode chadamberangan a•dokni dal•batsranggipa bil ong•na man•a ineba ua aganaha.
Meghalaya a•doko pekatgipa samrangko jakkalgipa aro HIV man•gipa manderang batroroengani gimin chadamberangko mikrakchina gitaba Sangma didiangaha.
A•dokni chadambe sakantinade sorkarini kamrangko tikate on•na man•jawa ine janapangengon, an•tangtangna bading chiwalani cholrangko sandichina aro sakgipinrangna kam ka•e cha•ani cholrangko on•giparang ong•china gita ua chadamberangko ku•pattiangaha.
Lekka pora aro chu•sokaniara mandena nangchongmotgipa ong•a indiba namgipa mande ong•anian mongsongbatgipa ong•a ineba Chief Minister agane, pangnan an•tangtangko bamatgiparang ong•china, saksa sakgipinko mande ra•grikchina, Isolna kengiparang ong•china aro dal•batgiparangko mande ra•giparang ong•china gita ua chadamberangko didiangaha.
Na·simang iakoba nina man·gen:
Na·simang iakoba poraina man·gen: Assam Assembly election-na nomination file ka·giparangoni sak 67 candidate-rang nomination file ka·giminko ra·pila
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
