Shillong, Mar 27: Sukrobar salo, India sorkarini Jal Shakti Ministry ning•o donggipa Drinking Water & Sanitation Department-ni National Jal Jeevam Mission (NJJM), Meghalaya sorkari baksa video conference gita Memorandum of Understanding (MoU)-o soi ka•grikangaha aro MoU-o soi ka•grikanio, Meghalaya a•dokni Chief Minister Conrad K Sangma aro Union Jal Shakti Minister CR Patil-ba dongpaaha.
Ia MoU-ara, water supply scheme-rangko ra•gatani ong•a aro ia soi ka•grikanichi, Meghalaya a•doko water supply scheme-rangna ma•mong sorkari, tangka paisarangko watatgnok.
Dolgni soi ka•grikanio a•dokni Chief Minister Conrad K Sangma aganprakatengon, MoU-o soi ka•grikahani gimin mittelpilaniko parakangenba, Jal Jeevan Mission-ni ning•o a•dok sorkari, nokantinan namgipa ringani chirangko on•na on•kange kam ka•enga ine aganaha.
Chu•gimik ong•gipa water policy-ko tarina nangengani gimin janapangengon, a•dokni pilak biaprangon chiring chibisikrangko tangatpilna gita sorkari kamrangko ka•enga ine Chief Minister aganaha.
Dolgni soi ka•grikanio Union Jal Shakti Minister CR Patil-ba aganprakatengon, a•songni ki•tikbrionan ringani chirangko sokatkujaskalde Prime Minister-ni Viksit Bharat-na niksamsoani chu•sokgipa ong•na man•kujawa ine aganenba, JJM-ni ning•o program-rangko name chu•sokatna gita India sorkari raken kamko ka•enga ine parakataha.
Na·simang iakoba nina man·gen:
Na·simang iakoba poraina man·gen: Synod College-ni College Week manianiko matchotatanio CM bak ra•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
