Tura, July 6: Batanggimin bilsi 14 oni bilsi 15-rangna kingking jakkalgija galchipe donenggipa Garo Hills Autonomous District Council (GHADC)ni Printing Press-ko, GHADC-ni Executive Member-rang aro council-o kamko ka·enggipa gipin staff-rang gimikni dongpaanio CEM Pa Albiush R Marak-ni jakchi Bristibar salo oprake on·angaha.
Printing Press-ko oprake on·anganio CEM, Hub News-na aganangengon, gital kolrangko ra·bae songe donanichi aro adita taridape namdapatanichi ru·uta bilsirangna kingking jakkalgija galchipe donenggipa printing press-ko jakkaltaipilna man·engani gimin an·tangni kusi ong·aniko parakangenba, council-o print ka·na nanggipa kam kakketna ia printing press-ko jakkalanggen aro apsandake, print-rangko ka·na nanggipa a·palni manderangkoba chinga council-ni printing press-ona rimchaksoa ineba CEM parakataha.
Council-ni printing press-o ge·gittam (3) unit-rang donggen, uarangoni skanggipako cutting unit-na jakkalgen, gnigipako offset printing unit-na aro bangkiko digital printing machine dake jakkalgen.
Indake ong·oba, printing press-o digital printing-ni kamna technician-rangko mande rim·ani gimin aro a·palni manderangna damrangko tik ka·e donani giminde department, da·odipet mamingkon chanchirima dongskakujaenga.
Iakoba poraie nina man·gen: M’laya-ni manderang chengonin samtangtango ong·telaigiparang baksa janggi tanggiparang ong·a: CM
Watch
 unit-rang donggen, uarangoni skanggipako cutting unit-na jakkalgen, gnigipako offset printing unit-na aro bangkiko digital printing machine dake jakkalgen.){kind=link}