Guwahati, Sept 26: Sonitpur District Administration, Tezpur University-ni kosako Assam-ni dakbewal rikbewal aro gitrangko ra·dogipa Zubeen Garg-ni siani jaman uko mande ra·ja ine matnanganina sing·sandianiko dakchina ge·etaha.
District Magistrate Ananda Kumar Das-ni aganani gitade, Tezpur University- o authority-rang Zubeen Garg sagina bon·kame mande ra·aniko name dakja baksana jemangan an·tangtang bon·kame mande ra·aniko ong·atpaahachim uamangni kosakoba Vice Chancellor Shambhu Nath Singh, chonikani kattarangko aganaha ine chatro chatrirang matnangataha. Sombar salo, VC aro chatro chatrirangni gisepo jera ra·grikani ong·enba, ua campus-oni ong·kate katna draatako man·aha. Indake jamano chatro chatrirang VC-ko kema bi·an baksana uni kosako ja·ku de·aniko dakchinaba dabiangaha.
Iani bidingo sing·sandianirangko dakna gita Additional District Magistrate Kamal Baruah-ko seokenba, 10-ni gisepon report-rangko on·china u·iataha.
Tezpur University, matnanganirangko chagrongna nangenba, campus ning·ao Zubeen Garg sagini mangkrongko songan baksana pusthumous honorary doctorate award-koba una on·aba gnang ineba parakataha.
University-ni Public Relations Officer Samaresh Barman-ni Vice Chancellor, an·tangni ska gita kamrangko ka·enba, University-ni gamchataniko nangchakeatenga ine agane kamtangko watgala jaman ia obostarang namjabatatrorona a·bachengaha.
Na·simang iakoba nina man·gen:
Na·simang iakoba poraina man·gen: Zubeen Garg sagiko so·gipa biapo guare kaenggipa kamrangko champengatanina sak 6 manderangko rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
