Tinsukia, April 18: Sukrobar walo Kakopathar-ni Lajum minggipa songo Bihu-ko maniengmiting somoio ta·rake salbaenggipa Bolero gari bolsa ramasamo donenggipa motorcycle-o chagakeaha aro sakgni chadamberang biapon janggi galaha.
Sianggipa chadamberangara Kakopathar-o songdonggipa aro Kakopathar Football Coaching Centre-ni goalkeeper Pranajit Das, aro Teji songoni Shashank Moran ong·a.
Ia a·selko mikrontangchi nikgiparang aro songdonggipa manderangni aganani gitade, ua chadambe sakgni ramasamo dongipa motorcycle-o asonge dongengmitingo Bolero gari bolsa, 01 V 0399, Kakopathar-chipakni ta·rakprete salbaenba uamango nangtingeaha aro sakgnian biapon rang·san janggi galaha.
Ua jolo songdonggipa manderang a·selo ga·ake sianggipa manderangni manggisirangko hospitalona ra·angaha indiba uamangko sigiminkosa ra·baaha ine doctor-rang parakataha.
Bolero-o salgipa churing-chupeke gariko salaha ine koborrangko man·aha aro uko uni gari baksa Doomdooma Police rim·aha.
Ia obostana manderang namen ding·chaoaniko man·e, Sonibar pringo Kakopathar-o ramarangko champenge jegalanirangko dakangaha. Uandake uamang highway-o gari chakkarangko so·enba kakket bichalko nanga aro duko ga·akenggipa nokdangni manderangna on·pilskaanirangko dakna nanga ine dabiangaha.
Da·omangba Kakopathar Police Station sepango National Highway 15-o ramarangko champenge so·sojengjeng ong·anirangko nikna man·kuenga.
Uandake, highway-o hajalni hajal garirang jachange dongenga aro ua jolo bang·a neng·nikanirangko on·enga. Ia obostarangko namatenba tom·tomaniko ra·bapilna aro jegalgiparangni nangnikanirangko chu·sokatna ine authority-rangna didianiko on·ataha.
Na·simang iakoba nina man·gen:
Na·simang iakoba poraina man·gen: Spa-rangara noti dari dakgiparangni a·dam ong·ja ine Kharkrang talate on·anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
