Agartala, Mar 11: Guwahati songjinmao donggipa LGBI Airport aro Imphal songjinmao donggipa Bir Tikendrajit International Airport-ni ja·man da·o Tripura a·dokni Maharaj Bir Bikram (MBB) Airport-ko salgro salaram jolo gittamgipa international airport ine bakan parakatgnok.
Ia airport-o Maharaja Bir Bikram Manikya Bahadur-ni feet bonga ong·e chugipa statue-ko oprake on·angani somoio Tripura a·dokni Chief Minister Manik Saha, jinmana aganprakatengon, ia airport-oni Bangladesh-ona bakan sildoreng bilruraaniko a·bachengatna gita BJP-IPFT dolrangni nangrime rikenggipa sorkari, krenge kamko ka·enga ine parakataha.
‘Act East Policy’-ko ra·gatanichi a·songni Prime Minister Narendra Modi, salgro salaram a·dokrango namroro silroroaniko ra·bana man·aha ineba ua aganaha.
Ia MBB Airport-oni salantian sak 4000-na baten manderang songre songgabatna cholko man·enga ine janapatengon, ia airport-ko international airport ong·atna gita Tripura sorkari, Civil Aviation Ministry baksa agangrikjringaha aro da·o ia airport-ko international airport ine parakna pilak nanga kamrangko matchotangengaha ine Saha parakataha.
Ia Agartala airport-ko 1942 bilsio Tripura-ni gitcham raja Bir Bikram Kishore Manikya Bahadur-ni on·gilatipa biapo rikahachim aro ua somoio a·gilsak gimikni gnigipa dakgrikanio (World War II) ia airport-ko Royal Air Force-ni technical base dake jakkalahachim.
Skangode ia airport-ko Singerbill Airport inesa mingachim indiba 2018 bilsini July jao ia airport-ko ma·mong sorkari, Maharaja Bir Bikram Kishore Manikya Bahadur-ni bimingchi mingsreskaaha.
Na·simang iakoba poraina man·gen: Breaking | Shillong songjinmani Harijan Colony-o IED boma gopretanio jak donggipa saksako rim·a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
