Tura, June 16: Tura Christian College (TCC), “Good Governance Through an Institution of Ombudsman” ine katta bichongko done aganrimani program-ko Sombar salo District Auditorium-o ong·ataha. Ia program, Tura Christian collegeni chatro-chatrirang aro skigiparangna namgipa sason ka·ani niamrang aro ombudsman-ni kamrangni gimin namedake u·ie ra·na cholko on·aha.
TCCni Englishni Asst. Professor Yankitina Goldiva sessionko a·bachengataha, aro uni ja·mano TCCni Principal Dr. Earlitha M Sangma rimchaksoani kattarangko aganaha. Chatri saksa, Lein Rikdambe Ch Sangma git ring·anikoba dakangaha.
Retd IFS aro Meghalaya Lokayukta-ni Chairman Cavouright P Marak, mongsonggipa agananiko dakangaha. A·dok, uni kamrang aro chengoni Indiani itihaso aro da·ororoni chasongo maiko “good governance” ba namgipa sason ine mingachim, uarangko namedake talate on·an baksana namgipa sasonni bewalrangko, aro una agreba RTI Act aro Public Service Deliveryrangni gimin ua talate on·angaha.
Ombudsman katta aro uni Scandinavia-oni ong·baani giminba Marak janapaha. Jinmani dingtang dingtang kamrango ombudsmanko jakkalani aro dingtang dingtang sorkari-ni on·gipa cholrang jekai e-governance aro Administrative Reform’s Commissionni 1966-o ra·chake India-o ombudsmanko a·bachengatani, aro ja·mano 2013-o Lokpal Bill-ni ong·baani giminba ua ning·tue agan-talate on·angaha.
Iani ja·mano, aganenggipa subjectni gimin namedake u·ina, chatro-chatrirang, mongsonggipa agangipa baksa sing·anirangko dake aganchakanirangko knana cholko man·aha. Uandake, TCC-ni Polictical Science-ni Asst. Professor Noatchi Xavier mitelani kattarangko agane, tom·aniko matchotataha.
Na·simang ia video-koba nina man·gen:
Na·simang iakoba poraina man·gen: Umshangling-o jabolrangko galna on•piltaignok
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
