Nongpoh, Jun 16: June-ni 15 tariko, official-rangni re•ange niean baksana jinma tom•e chanchirimangani ja•man aro Dorbar Shnong-ni dabianirangko Ri Bhoi a•jani District Administration, chu•sokatna ku•rachakaniko on•ahani gimin Nongpoh jolrango songdongenggipa aro bading chiwale cha•enggipa manderangna, Umshangling-o jabolrangko galna on•piltaina Dorbar Shnong tik ka•angaha.
Umshangling-o skatang jabolrangko galani a•sel jolo songdongenggipa manderangsa neng•nikanirangko chagrongna nangtokengani gimin re•anggipa June 12 tarikonin ia biapo jabol galaniko Dorbar Shnong champengataha aro iani a•selan Nongpoh-ni dingtang dingtang gittimrango songdongenggipa manderang aro dokkanrangko dakenggipa manderangba jabolrangko galna biap dongjae, neng•nikanirangko chagrongna nangtokengachim.
Iandake manderang jabolrangko galna man•jae neng•nikanirangko chagrongna nangtokengani gimin Ri Bhoi a•jani Deputy Commissioner Abhilash Baranwal, Nongpoh-ni MLA Mayralborn Syiem, Urban Affairs department-ni officer-rang, songni nokni dilgiparang aro Synjuk ki Rangbah Shnong-ni membor-rang, Umshangling-ona re•ange, Dorbar Shnong-ni mikkango, ia jabol galchakgipa biapko nieaha.
Ia jabol galchakramko nieon, dingtang dingtang gittimrangoniko truck garirango salbaenba skatang jabolrangko galenga aro niamrangko ja•rikjaenga ine district administration aro dingtang dingtang dilgiparangba nikna man•aha.
Iani ja•man dingtangmancha tom•aniko DC office-ni Conference Hall-o ong•atangenba, Umshangling-o jabol galaniko nirokna DC aro ADC-rangni dilanichi monitoring committee-ko songna tik ka•e donangaha.
Na·simang ia video-koba nina man·gen:
Na·simang iakoba poraina man·gen: Kewali saksa Tourist-rangko ring chodilmiting-o Umgot chibimao ga·aksruanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
