Tura, Aug 20: Tura Don Bosco College-ni ning•o donggipa Physics department, college-ni Internal Quality Assurance Cell (IQAC) baksa nangrime, Indian Akshay Urja Diwas-ko maniani bak gita dingtangmancha program-ko ong•atangaha.
Ia program-ko ong•atanio, Don Bosco College-ni Principal Fr Januarius S Sangma, mongsonggipa sokgipa ong•e jinmana aganprakangengon, India a•songo aro gipin a•songrangoniko uni nikgimin kamrangni gimin janapangenba, science-o nangchakegipa kamrangko ka•na tikkelchina chatro chatrirangko didiangaha.
A•gilsakni dingtangroroenganichi chagrongna nangenggipa neng•nikanirangko namatna gita an•tangtangni u•i-ma•sianirangko on•gile bak ra•china gitaba ua chadamberangko didiangaha.
Ia program-ko ong•atanio, Don Bosco College-ni chatro chatrirang, chong•motan Ibakordor Mawlieh, Amsime M Sangma, Biplob Koch aro Nomesilche R Marak, renewable energy ba ong•telaigipa bilrangoniko bikotgipa bijolirangni bidingo power point presentation-ko on•angskaaha.
Ia program-ko ong•atani bidingo Physics department-ni Assistant Professor Dr Yuvaraj Sharma, Hub News-na talate on•angengon, ki•taprangonikosan ong•aigija a•gilsakni chong•mot bewalrangko skie ra•na aro an•tangtangan chanchibewale cholrangko bikotgiparang ong•china ia program-ko chatro chatrirangna ong•ataha ine parakataha.
Na·simang iakoba nina man·gen:
Na·simang iakoba poraina man·gen: Drone-ko jakkale chel·chaksoanio namdapatna Assam Rifles aro IIIT Manipur soi ka·grika
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
