Tura, July 7: Tura jolo, Hindu jatrangni manggisirangko so·aniko pangkamgipa ao chasing gitalni cholrangko ra·gatna, Hindu Samshan Bhumi-ni Mokshadam-ona skanggipa changna Electric-Hybrid Crematorium-na pangchakani ro·ongko July 7 tariko songaha.
Ian Meghalaya Sorkari-ni Department of Urban Affairs-ni jako ra·e kam ka·dilenggipa kror 5-ni project ong·a aro iako ra·baanichi skangoni dakbaenga gita am·bolrangko jakkale manggisirangko so·aniko dontongatgen aro LPG aro bijoliko jakkale nambata, rongtalbata cholo kamrangko matchotatna man·gen. Uandake, ia so·chakramo bangbango balwa namgijako balangatani, samtangtangna namgijani aro an·seng-baljokanina kengnirangko komiatna ja·ku de·enga.
Pangchakani ro·ongko songanio Hindu toromni dakbewalrangko Tura Hindu Samshan Bhumi Committee-ni (THSBC) President Prabin Panthi dakdilaha baksa committee memberrang aro Tura-o songdonggipa manderang dongpaaha. Meghalaya sorkari aro iano gipin bak ra·giparangko mitele, ia project-ko somoi gita matchote on·china committee-ni manderang didiaha.
Ia gital manggisi so·chakram sianggiparangko mande ra·aniko daka baksana Tura-ni Hindu toromni manderangni dakbewalrangko ripinganiko nambate dakna miksongenga.
THSBC-ko bikotpil·taiaonin, uamang Mokshadam-o dingtang dingtang namdapatanirangko dakengaha, jekai Sashan Kali Mandir-ko matchote rikani, samtangtangna nisianiko ra·bagijagipa mande so·chakramko ra·baani aro manggisi so·anirangna dakna nanggipa kamrangna single-window service system-ko a·bachengatanirangan ong·a. Minggipin namdapatanirangara perimeter lighting, chi salani, walo nirokgipa, aro nanggipa lekkarangko aro a·ako rakkiani kamrangko ka·anirang ong·a.
Na·simang ia video-koba nina man·gen:
Na·simang iakoba poraina man·gen: Salgro salaram a•dokrangna tax share-ko bariatchina didia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
