TURA, Oct 2: Ia bilsini Durga Puja-ko manianirangko dakanio gisik nangbee Tura songjinmani pilak dol 31 Durga Puja Committee-rang (DPC-rang) bakrime Tura Parade Ground-on salni 1 bajioni a·bachenge mite galonaniko dakna tom·anirangko a·bachengaha.
Dugra miteni bimangrangko truck-rango gate Babupara-o galonaniko dakna re·nasion, me·asarang aro me·chikrang jinma jattangtangni ganding-chindingrangko gane, re·jomanirangko dakaha.
West Garo Hills District Administration-ni ge·etaniko ja·rike Maternity Hospital-oni Brahminpara-ona mamung chrik-a·bokani gri jrip-jrip dake re·jomanirangchi ia bilsini re·jomanian dingtangmanchagipa ong·aha. Loudspeaker-rang, dhak-rang, dhol-rangko jakkalgija, bebera·giparang rama jolgimik olakkiani gitrangko ring·angskaaha.
A·jani police-rang donge nitimaha aro garirangko donanirangko nirokataha, aro re·jomaniko namedake ong·atna man·na gita, ADC-rang mongsonggipa biaprango dongtimaha. West Garo Hills a·jani District Commissioner Vibhor Agarwal, IAS an·tangan mite galonanirangko dakanirangko nirokataha. Unbaksa Superintendent of Police (Traffic) Feroze Rahman, MPS aro SP (Fire & Emergency Services), Bruno Sangma, MPS dongpae nirokanirangko dakangpaaha.
Mite galonchakani biapko rongtal-an·talate tariataha aro DPC dolprakan uamangna donsogimin gita an·tangtangni mite galonanirangko dakangaha.
“Ia bilsio, dam 31 pandalrang bak ra·angaha. Administration chingna Silent Zone-ko on·aha aro chinga pilak DPC-rangkon ia ge·etaniko raken manichina didiaha. Pilakan ia ge·etaniko mande ra·anina aro ma·sichakanina chinga namen kusi ong·aha,” ine Central Puja Committee-ni (CPC) President Prabin Panthi Hub News-na parakataha.
Uandake, olakkianirango bebera·anina agreba samtangtangko ripinganiko dakna inenba October 3-ni pringo mite galonchakgipa biapko rongtal-an·talatanirangko dakanggen ineba CPC parakataha.
Ia bilsini mite galonaniao bebera·ani, samtangtangna simsakani, aro ku·cholsan nangrimaniko namedake mesoke olakkiangaha.
Na·simang iakoba nina man·gen:
Na·simang iakoba poraina man·gen: Kur Soo Kpoh Khadar Wyrnai, Blood Donation Camp-ko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
