Tura, Nov 10: National Cadet Corps (NCC)-ni sal 10-na Tura-o ong•atgipa Special National Integration Camp (SNIC) North Eastern Region-I, Sonibar salo, cultural program aro Bada Khana-ko ong•ate matchotangaha.

Ia sal 10-na ong•atgipa National Integration Camp-o a•songni dingtang dingtang biaprangoni sak 400-na baten NCC-rang bak ra•angtokaha aro ia National Integration Camp-o bak ra•gipa NCC-rang, ku•mong nangrimani, namgipa dakbewal aro dilgipa ong•ani gunrangko skie ra•angaha.

Ia sal 10-na ong•atanggipa National Integration Camp-o National Integration Awareness Programme (NIAP), quiz competition, kal•susaanirang aro jatni daka rikanirangko mesokani program-rangkoba ong•atangaha.

Ia National Integration Camp-o bak ra•gipa manderang, Nokrek National Park, 100 Drums Wangala Festival aro Garo Hills-ni dingtang dingtang biaprangonaba re•ange, A•chik jatni daka rikani aro niam retirangkoba nie ra•angna cholko man•aha.

Ia National Integration Camp-ko matchotatani salo, NCC Shillong Group-ni Commander Brigadier KJ Singh, mongsonggipa sokgipa ong•e bak ra•angaha aro unbaksana Brigadier Thongam JS, Commanding Officer DT Anthony aro dingtang dingtang official-rangba bak ra•angaha.

Ia Special National Integration Camp-ko matchotatanio Brigadier KJ Singh, NCC-rangna aganprakengon, ia camp-o gisiko nange aro namgipa bewalrangko ja•rike bak ra•ahani gimin cadet sakantikon mittelpilangaha aro janggi tanganio skie ra•angkuchina gita didiani kattarangko aganangaha.

Na·simang iakoba poraina man·gen: Turathon Hills Challenge 2025 | Over 2,000 runners take on 42.2 km Jengjal–Bolbokgre challenge

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub