Tura, Nov 10 : Robibar salo “Miles on Hills” ine katta bichongko done Jengjal-Bolbokgre-oni Tura-Williamnagar highway-ona chang 7-gipa Turathon Hill Challange 2025-ko ong·atangaha. Ia katsusaaniko Tura Runners’ Club, Department of Sports and Youth Affairs, Government of Meghalaya-ni dakchakanichi ong·atangaha. FIT India movement-ni bak gita ong·atenggipa ia katsusaanio sak 2,000 mangna bate katsusaanina gisiko nanggiparang 42.2 km, 21.1 km, 10km aro 5km category-rango bak ra·angtokaha.

Meghalaya a·doko Turathon-an 42.2km-ni chu·gimik marathon-ko ong·atgipa ong·enga. 2015 bilsioni ia katsusaaniko a·bachengata intaloni Turathon dal·batrikrikan baksana mingsingbatrorona a·bachengaha aro a·dokni dingtang dingtang bakrangoni aro sepangjolo donggipa biaprangoni bang·bata katsusagiparangkoba salbana dakchakaha.

42.2km chu·gimik marathon-ni me·asa category-o Tlanding Wahlang skanggipa biapko, Donboklang Shangpoi 2-gipa biapko aro Lapynkraw Tabah 3-gipa biapko man·angaha. Iani gisepon, me·chik category-ora Intromeda R Marak skanggipa biapko, Martha D Sangma 2-gipa biapko aro Krenitha Ch. Marak 3-gipa biapko man·angskaaha. 21.1 km half marathon-ni me·asa category-o Daioohimitre Suting skanggipa biapko, Teiborlang Biam 2-gipa biapko aro Macmilan B Marak 3-gipa biapko man·aha. Indake me·chik category-o Archana K Marak skanggipa biapko, Nangkiewsuki Slong 2-gipa biapko aro Fathima Ch. Marak 3-gipa biapko man·angaha.

Turathon-ni 10km katsusaanio, Marshal Wanniang skanggipa biapko man·e, Siemiki Kyndait 2-gipa aro 3-gipa biapko Bonash K Sangma man·aha. Iani me·chik category-o Raksilchi A Marak skanggipa biapko, Sengjimchi Sangma 2-gipa biapko aro Ritmesa N Marak 3-gipa biapko man·skaaha. 5km category-ora Laichang T Sangma skanggipa, Dev Hajong 2-gipa aro Tubebirth Ch. Sangma 3-gipa biapko man·rikaha. Indake ong·engon, me·chik category-ora Carnida Liana Ch. Momin skanggipa, Nopanchi A Sangma 2-gipa aro Tulsi G Momin 3-gipa biapko man·angaha.

Chu·gimik marathon aro half marathon category-rangon consolation boksisrangko on·angaha. Ia Turathon-ko ong·atgipa dolrang, dakchake on·gipa dolrang, jolo songdonggipa manderang baksana dakchakaniko on·gipa administration-ko de·mitelatengon, Turathon-ara A·chik a·songni nitoaniko mesokna dakchakan baksana an·seng baljokani, be·enko ranta ka·ani aro a·palo kalsusaanirangna didianiko on·ani ong·a ineba ua aganangaha.

Also Read: Lawmakers are architects of national policy: Speaker Thomas A Sangma

Also Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub

Download our app from playstore – Northeast Media Hub