Boko, Sep 26: Assam-Meghalaya-ni sima ari-o rikna miksongenggipa 55 MW-ni Ukiam hydropower project-ni kosako bang·a dolrang jekai Garo National Council (GNC) aro Rabha National Council (RNC) raken jegalanirangko dakenga.
Bristibar salo dingtang dingtang dolrang baksa Assam-Meghalaya Joint Protection Committee-ni manderang Ukiam picnic spot-o GNC-ni ong·atgipa tom·aniona re·ange bak ra·aha.
Meghalaya aro Assam-ni bakrimenggipa project-ni ning·ao Drone, Shree, aro Dilma chibimarangni gronggrike jokanggipa, ripingna nangbeenggipa Ganga chibima-ni dolphin-rang bang·gipa Kulshi chibimao dam-ko rikna miksongenga.
Samtangtangna aro songdonggiparangna neng·nikanirangko ra·bagen inenba Ukiam aro sepangjolo donggipa Meghalaya-ni songni manderang adita bilsirangna jegalanirangko dakengaha.
Chanchirimanirangko dakna skang, tom·aniona re·bagipa A·chikrang Zubeen Garg sagi-na bi·chakaha aro uni noksani mikkango pulrangko done mombatirangko so·aha.
Ia damko rikanichi song dam 10-15rangsan neng·nikanikaniko man·aigen ine sorkarini agananiko jegalenba, Meghalaya-oni Assam-ni Brahmaputra-ona kingking nisianirangko ra·bagen ine GNC-ni president Enindra Marak jinmana parakataha.
Matnanganirangko man·jana gita, ia dam-ko rikna a·bachenganiko 2026 assembly election-ni matchotaona kingking ba una ja·manonaba ra·donaba gnang ineba Marak aganangaha. Ia obostani bidingo Ukiam-ni manderangna mamung ka·dongataniko on·na man·gijani ba agangrikanirangko dakgijani giminba ua Assamni skotong minister Himanta Biswa Sarma-koba matnange aganangaha.
Apsandaken, dam-ko rikanichi lak 1.9 bigha a·arang nisiataniko man·gen ine RNC-ni dilgipa Gobinda rabha a·dok sorkarini kosako jegale aganangaha.
Uandake ua Kamrup a·jani manderangko ku·cholsan nangrimchina didianiko on·e, a·brini jatrang donggipa biaprango aro block jolrango projectrangko a·bachengatna skang ua biapo donggipa manderangni rai-ko ra·na nanga ine Rabha janapaha.
Unbaksanaba, gipin project-rang jekai Kukurmara-Palashbari-o rikna miksongenggipa Dorabeel Logistics Park aro Rani-ni sepango Borduar-o satellite township-ko a·bachengatanichiba buung-bolgrimrang aro do·o-matrangko nisigen aro songdonggipa manderangna neng·nikanirangko on·gen ine mikrakatanikoba on·aha.
Adita somoirangna skang, local organisation-rang ia project-ko ra·gatjachina dabie Assam aro Meghalaya sorkari-rangna memorandum-rangko on·aha.
September 19 tariko, Assam-Meghalaya Joint Protection Committee Khasi Hills Autonomous District Council-na (KHADC) memorandum-ko on·aha, jeon uamang ia obostani bidingo Nongmynsaw, Nongkhlaw aro Rambrai songrangni dilgiparang baksa agangrikanirangko dakna nanga ine janapaha.
Songrangni nokmarang aro dilgiparang no-onjection certificate-ko on·jaskade, Ukiam-o dam-ko rikna man·jawa ine GNC-ni general secretary Chengjan Sangma manderangna parakataha.
Na·simang iakoba nina man·gen:
Na·simang iakoba poraina man·gen: NGEA-ni jingjengataniko dontongata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
