Shillong, July 13: Mongolbar salo, Umgot Hydro Project-ko jegalenggipa Joint Action Committee (JAC), Meghalaya a•dokni Chief Minister Conrad K Sangma-ko grongenba, ia project-ko ra•galpilchina didiangaha.
JAC-ni president Treibor Suchen-ni parakatani gitade, ia jolo songdongenggipa manderang bang•batan ge•a gamani kamrango pangchake janggi tanggiparangsa ong•ani gimin ia Umngot chiringko hydro project-ni kamna jakkalgenchimode ian songni manderangna aro uamangni kamrangna nangchakeaniko ra•baani gita ong•genchim.
“Ia Umngot chiringara gipin biaprangoni manderangko salbagipa biap damsa gitaba ong•enga aro ia chiringo hydro project-ko rikgenchimode ian chiringni nitoaniko nisigalani gitaba ong•gen,” ine Suchen parakataha.
Ia Umngot chiringo hydro project rikaniko songni manderangba jegalengani gimin jagnina skangba uamang Chief Minister-na ia project-ko jegale internet gita sedoatahachim ineba JAC-ni president parakataha.
Iani bidingo a•dokni Chief Minister, maming ku•rachakani kattarangko JAC-na on•atjaha indiba iani bidingo jolni MLA aro a•dokni Home Minister Lahkmen Rymbui baksa agangrikchengna ku•rachakaniko on•atskaaha.
