Shillong, Aug 19: Shillong-Dawki road project-ni ning•o, Umshyrpi-oni 7th Mile, Upper Shillong-ona dakanggipa ramako ta•rake matchotatchina Meghalaya State Planning Board (MSPB), National Highways & Infrastructure Development Corporation Limited (NHIDCL) aro contractor-rangna ge•etaniko on•ataha.
Mongolbar salo, MSPB-ni chairman Metbah Lyngdoh, board-ni membor-rang aro PWD aro NHIDCL-ni official-rang baksa ia ramako nina re•angani ja•man, ia ramako ta•rake matchotatchina ge•etaniko on•angaha.
Ia rama tariako nina re•angani ja•man kobor ra•timgipa manderang baksa agangrikengon, ia ramako tariani kamrang ka•sinengani a•sel ramako re•ruraenggipa manderang neng•nikanirangko chagrongna nangtokenga ine Lyngdoh parakataha.
Lyngdoh-ni aganani gitade, ia ramako tariani ka•sinengani a•selan Upper Shillong-o donggipa 7th Mile-oni Anjalee Petrol Pump-ona re•nan kontasa kontagnirang nangenga aro ian nangchongmota kamrangna songre songgabatenggipa manderangna namen neng•nikani ong•enga.
Upper Shillong-ni 3rd Mile-o donggipa bypass-ko matchotningjaengani gimin janapatskaengon, ia ramao donggipa pipe-rangko apjitna nange aro dingtang dingtang neng•nikanirangko man•na nangkuengani gimin komibeoba ia bypass-ko matchotna jagnimangkode nangkunaba gnang ine MSPB-ni chairman, an•tangni nikeaniko parakataha.
Ia ramako re•ruraenggipa manderang neng•nikanirangko man•jana gita matchotgni somoiko u•iatchinaba Lyngdoh, NHIDCL-na ge•etaniko on•ataha.
Also Read: Gipin a·dokona drugs badingsrukenggipa sakgniko pekatgipa bosturang baksa rim·a
Also Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
