Guwahati, Aug 19: Assam a•dokni Gauhati Medical College & Hospital (GMCH)-o donggipa Neonatal Intensive Care Unit (NICU)-o sal 15 ong•kuenggipa bi•sa bakgitchakni sianiara simsakjani a•selsa ong•aha ine Mongolbar salo, Assam a•dokni Chief Minister Himanta Biswa Sarma parakatenba, ia a•selni bidingo ning•tue am•sandina gita membor sakgittamni committee-ko songe on•angaha.
Ia a•selni bidingo sianggipa bi•sani pagipaba FIR ka•ahani gimin Guwahati Police, mokordomako segataha.
Ia a•sel ong•ani ja•man Chief Minister Sarma an•tangan Sombar attamo, GMCH-ona re•angaha aro sagiparangna simsakanio kamrang olgrokenganina an•tangni suk ong•gijaniko parakangaha.
Ia a•selni bidingo talataniko on•angengon, GMCH-o chu•onga gita sanna banani bosturang donggenchimoba aro unsalo sagipa manderang komigenchimoba bi•sa bakgitchak sakgittamko palang ge•sano donahani a•selsa ia bi•sa bakgitcham a•aona ga•akone sina nangaha aro ian hospital-o kam ka•giparangni simsakgijani a•selan ong•a ine Sarma parakataha.
Ia bi•sani sianina ua somoio kam ka•gipa nurse-ko kamoni dontongataha ine parakatengon, GMCH-ko chalaidilenggipa manderang, duko ga•akenggipa nokdango kemako bi•na nangchongmota ine Assam CM dabiangaha.
Indake ong•engon, GMCH-o kam ka•enggipa mitam manderang, sagipa manderangna dangdike on•na gita tangka paisarangko dabie ra•ronga ine badi ka•aniko man•ani ja•man, kam ka•gipa manderangoni saksniko Guwahati-ni police-rang rim•aha ine Guwahati-ni DSP Mrinal Deka, kobor ra•timgiparangna parakataha.
Also Read: Umshyrpi-7th Mile ramako ta•rake tarichina State Planning Board ge•eta
Also Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
