Kohima, July 27: Sombar salo, Nagaland a·dokni Viswema songni Tazweo Kita-o, Telkhukhu Nyi ingipa Angami ma·gitcham pagitchamrangni me·chik bi·sako mande ra·ani dakbewalko tangchapilatani salko Rachu Women Society-ni gita an·saobee ong·atangaha.
Medohole Pusa, tom·anio aganengon, ua manderangko gitcham ma·sisretgrikanirangko kema ka·grikchina, mangrakgipa nangrimaniko rikchina aro songsalo tom·tomanina apsan kamko ka·china didiataha. Neithono Sothu aro Videneile, “Te-L-Khukhu” (The Toad’s Share) ingipa golpoko agane on·angaha jean maidake ia manianiara a·bachengachim uko agan-talate on·a. Ia golpo-o mitelpilskaani, an·tangko bamatani aro saksa sakgipin baksa sualgrike janggi tangani gamchatani gimin skia.
Ia manianiko ong·atanio jinmana aganprakaniko dakengon, Angami Women Organisation (AWO)-ni Vice President Mezhlhou Miachieo, Southern Angami Women Organisation (SAWO)-ni President Kevisele Sophie aro Viswema Women Organisation (VWO)-ni President Evhole Chaya, me·chik dilgiparangko an·tangtangni jatni dakbewal rikbewalrangko tange rakkian baksana mikkim rasong, bil-rang aro me·chik bi·sarangko an·seng baljoke rakkiangkuchina didiangaha.
Demechikrangko mande ra·gipa aro gamchate ra·giparangba nambata mikkangchi janggi tanganiko rikna man·a ine sakantinan gisik ra·atani baksa ma·gitcham pagitchamrangni git ring·ani aro jatni dakmesokanirangchi ia manianiko matchotataha.
Na·simang iakoba nina man·gen:
Na·simang iakoba poraina man·gen: IIT Guwahati-o B-Tech chatro saksani siani a•selko police am•sandienga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
