Shillong, Jan 22: Ra•gala man•gipa Lokayukta-ni official-rangko kamo ra•pilchina dabienggipani bidingo Voice of the People’s Party (VPP)-ni dilgiparangko gronge agangrikna gita sorkarini ku•rachakaniko on•angani ja•man Sombar salo, VPP-ni sit-in-demonstration ba asonge jingjengataniko dontongatchengaha.
Sombar salo, Meghalaya a•dokni Law Minister Ampareen Lyngdoh, VPP-ni MLA-rangko an•tangni chamber-ona okamatenba, uamangko a•dokni chief minister, salsa salgnini gisepon gronge agangrikna sienga ine ku•rachakaniko on•angani ja•man, VPP-ni dilgiparang, asonge jingjengataniko dontongatchengaha.
Law Minister-ko grongeani ja•man kobor ra•timgiparangna talataniko on•angengon, a•dokni chief minister aro sorkari official-rang, VPP-ni dilgiparangko gronge agangrikna ku•rachakahani gimin Sombar salo asonge jingjengataniko dontongatchengaha ine VPP-ni president aro Nongkrem MLA Ardent Miller Basaiawmoit parakataha.
Lokayukta official-rangko ra•galani bidingo chu•ongnika gita talataniko on•na man•jagenchimode aro ia official-rangko kamo ra•piljagenchimode uamang jingjengataniko a•bachengatpiltaigen ineba Basaiawmoit parakataha.
Lokayukta-ni official-rangko ra•galani gimin sorkariko matnangatengon, ia official-rangara tangka jakkalsretanio jak donggipa manderangni kosako sandirokanirangko dakenggipa official-rangsa ong•ani gimin sorkari, ia official-rangko kam ra•galaha ine VPP president parakataha.
Sukrobar salo, VPP-ni dilgiparang, Secretariat-ona napdraangna jotton ka•engmiting somoio uamangko champengsogipa police-rangnaba Basaiawmoit mikrakataniko on•angaha.
Iakoba poraie nina man·gen: CM Himanta Biswa Sarma, kamtangoniko watgalchina ine Assam Opposition-ni Join Forum dabia
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
