Williamnagar, Feb 17: Williamnagar ni Rongrenggre Govt. Higher Secondary School kal·susaram bakrao da·al salni bako sipai dol aro manderangni gisepo meli nangrimaniko bilake rakkangna Civic Action Programme-ko Tura ni 120 Bn. CRPF ong·atangaha.
Tom·anio Williamnagar ni dingtang dingtang Skulrangoni bi·sarang Skigiparang aro Principalrang baksa bakko ra·eaha. Maidake sipai dol rang baksa manderang meli-nangrime janggi tangrimna man·gen uarangko talatan baksa bak ra·gipa chatro chatrirangna 120 Bn CRPF, Tura ni Commandant B.C. Dalbehera ma·manti kal·susaani bosturang jekai robol, goli net, robol kal·ao gangipa chola, jutta, volley robol, volley net, badminton set, carrom board aro gipin bosturangko sualangaha. Tom·anio Volleyball kal·susaanikoba ong·ate sakantikon an·saodapataha. Bon·kamo Commandant Dalbehera tom·bagipa sakantikon indake namgipa miksonganina tom·chimonganio bakko ra·ahanina sakantikon mitelpilskaaha.
Battalion ni gnigipa dilgipa Raghivir Singh ba tom·anio bakko ra·angaha.
Hub News kobor ra·timgpani programmeo bak ra·gipa bi·sarangko sing·e nion bang·a skidapanirangko man·aha aro kal·susaani bosturangko indin man·ahani gimin bilongen kusi ong·aha ine aganchaktokaha.
