Tura, Oct 04: West Garo Hills, Tura-ni National Skill Training Institute (W) baksa nangrime Tura-ni Government ITI, Sombar salo skanggipa changna Apprenticeship Mela program-ko ong·atangaha.Ia programko, ITI-ni Principal Pa Donnie Kharshiing-chi a·bachengate on·angaha, indake programni gimin NSTI(W), Tura-ni Principal Pa Ajaipal Sing Somvanshi-chi talate on·angskaaha.Ia programni miksonganiara, a·dokoni pilak kam gri ong·enggipa changgipa-sapgiparangko a·songni dingtang dingtang company-rang baksa ma·sigrikate on·ani aro uamangko gronggrikatna cholko on·ani ong·a. Iani ning·o manderangna kamko on·enggipa company-rang dingtangmancha training-rangko ong·ate manderangko kamo rakkina cholrangko man·gen aro ia apprenticeship program-ni gita namgipa cholrangko on·enggipa company-rangna sorkari dakchakaniko on·gen ine janapataha.Unbaksana, changgipa-sapgipa chadamderangko kamo rakkina nangnikgipa jeba company-rang online gita segatgimin candidate-rangko basena man·gen aro uandakgipa manderangna training-ko on·gipa company-rangna sorkarian dakchakanikoba on·anggen.
Ia programo da·odipet gimik sak 150 chadamberang portal-o bimingtangtangko segatangtokaha.

Jeba kam gri ong·enggipa chadamberang uandakgipa company-rang baksa kamko ka·na sikgenchimode https://www.apprenticeshipindia.org -o bimingtangtangko segate iani gimin talbate ra·na man·gen