29.8 C
Tura
spot_img

WGH-ni bilsi 8 ong.gipa me.chik bi.sa Assam Got Talent-o gnigipa biapko man.a.

Must read

Tura, Dec 29: West Garo Hills a.jani bilsi 8 ong.gipa me.chik bi.sa jean Phulbari Bhaitbari jolni Nayagaon songni Pa Azizul Islam aro Ma Sahera Banu-ni demechik ong.achim, ua re.anggipa December 25 tariko ong.atanggipa Assam Got Talent session-5-o gnigipa Grand Finale-o chegipa ong.aha. Ua namen git ring.na aro chrokna changbegipa me.chik bi.sa ong.achim.Ua Tikrikilla St. Mary’s School-o class 3-o poraiengachim. Ua an.tangni changa sapaniko dakmesoke Assam Got Talent Session-5-o seokako man.e gnigipa boksisko man.aha.

“Ian chingni katchabeani aro kusi ong.ani ong.a, maina chingni demechik neng.skime jotton ka.anichi Meghalaya-ni a.palchi ka.dongbee susaaniko dakaha aro cheaniko man.aha” ine me.chik bi.sani pagipa Azizul Islam demechiktangko demitele aganaha.
Me.chik bi.sani pagipa Azizul Islam-ni kobor ra.timgiparangna seachi u.iatani gitade, uamangni demechik Begum Ali Sha Islam tangka gong 5000-ni cheque baksa Trophy aro T-seris nigita 25 percent scholarship-ko indin man.aha.

Uni miksonge re.mikkanganio re.baenggipa 2021 bilsini January jao ong.atna sienggipa India’s Talent ba Biggest TV Reality Dance Fight Session-2 bakko ra.na gita miksongenga ineba me.chik bi.sani pagipa janaparaha.

spot_img

More articles

spot_img
-->

Latest article