Williamnagar, Apr 3: Salrang ding·begenchimoba Sukrobar salo, Williamnagar-ni wilwilao donggipa ritchani ritcha Catholic bebera·giparang, Sacred Heart gilja noko jinma tom·bimonge, Good Friday ba Rongtalgipa Sukrobar salko maniangaha.
Ia olakkianio, Chisolni Ramako Tura Don Bosco Secondary School-ni Principal Rev Fr Threnius Sangma, dilangaha aro ia tom·anio, Sacred Heart Parish ni Parish Priest Rev Fr John Thomas-ba bak ra·angaha.
Ia Chisolni Ramako dakanio, Jisu Kristoko rim·chengaoni Chisolo datkapaona, uni re·na nanggipa dam 14 biaprangko Fr Threnius Sangma, olakkianio bak ra·gipa manderangko re·dilangaha aro ia biap damprakon Jisu Kristoni duk chakani aro mandena an·tangko on·kanganiko mesokna gisik ra·atpilani bak gita dakangaha.
Chisolni Ramako dakani ja·man, Good Friday-ni jinma olakkianikoba Fr Threnius Sangma dilangaha aro ia olakkianio, Gitelni duk chakaniko jinmana poraiaha. Ia rongtalgipa poraianichi tom·anio bak ra·gipa manderang, Kristoni on·kanganiko, Uni saknaaniko aro Isolni ka·saaniko gisik ra·e, an·tangtangni paprangko ku·rachakna aro rongtalataniko man·na gisik ra·ataniko man·aha.
Ja·mano Chisolko jinma Olakkina gita Fr Threnius Sangma aro Fr John Thomas, jinmana pakwate on·angaha aro olakkianio bak ra·gipa manderang sakprakprakan, Chisolona re·mikkangbae, mandeni papna Jisu Kristo duk chake sina nangaha ine ku·rachakan baksana ka·saani aro mittelpilskaani chin gita chisolko ku·dimetokaha.
Bon·kamao Gitelni Miattamko ong·ate ia olakkiani giljako matchotataha aro ia Gitelni Miattamo Catholic bebera·giparang, Jisu Kristoni be·en aro an·chiko ra·e noktangtangona re·angtokaha.
Apsan daken, Tura-ni Sacred Heart Shrine-ona bang·a Catholic ma·malo bebera·giparang ia Good Friday-ko manianiona sokbatokaha.
Na·simang iakoba nina man·gen:
Na·simang iakoba poraina man·gen: M’laya-o ia bilsi ding·batgen aro mikka waanirang komibatgen ine IMD niksamsoa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
