Williamnagar, May 1: Skanggipa changna East Garo Hills a•jani headquarter Williamnagar-o donggipa Noah Resort-o World Homoeopathy Day-ko maniangaha aro ia salko maniani bak gita East Garo Hills a•jani District Health Officer, National AYUSH Mission-ni ning•o program-ko ong•atangaha.
Ia program-ko ong•atanio, a•dokni Cabinet Minister Marcuise N Marak, mongsonggipa sokgipa ong•e bak ra•angaha aro ia tom•anio, Garo Hills gimikonin homoeopathy doctor-rang bak ra•angtokaha.
Ia tom•anio, East Garo Hills a•jani Deputy Commissioner RP Marak, Educere Higher Secondary School-ni Headmistress Gamchi Timre R Marak aro gipinrangba bak ra•angtokaha.
Ia tom•aniko, Dr Ancy J Marak dilangaha aro rimchaksoani kattarangko, District Nodal Officer Dr Paulson M Sangma aganangskaaha. Williamnagar-o donggipa Educere Higher Secondary School-ni chatro chatrirang, rimchaksoani gitko ring•skaaha.
Ia program-o Dr Aeron Tochri R Marak, jinmana agan-talate on•angengon, homoeopathy-ni gimin aro maikai iachi manderangna sanna bananirangko on•na man•a, iarangni gimin aganangaha.
Ia program-ko ong•atanio, Dr Meban Rani, Dr Cheanbi aro Eusebia, ga•subee chroke mesokanichi, manderangko an•saoatangbeaha aro doctor-rangni kamara sagiparangna sanna bananikosan on•ani ong•ja indiba manderangna an•saoatanikoba on•na man•a ine mesokangaha.
Ia tom•anio, East Garo Hills a•jani District Medical & Health Officer (DM&HO) Dr ECN Sangma, jinmana aganprakangengon, ia program-ko chu•sokgipa ong•atahani gimin AYUSH doctor-rangko mittelpilangenba, jolo songdongenggipa manderangna dingtang dingtang cholrangchi sanna bananiko on•engani gimin agan-talataniko on•angaha.
Ia tom•anio, East Garo Hills a•jani Deputy Commissioner RP Marak-ba, tom•anio bak ra•giparangna aganprakengon, mandeni janggi tanganio an•seng baljokanian gamchatbatsranggipa gam-jin gita ong•a ine janapatenba, namroro silroroanikode rama jal•langrang aro nokrangko rikanichisan toaina nangja indiba manderangni be•en aro gisikni gita an•seng baljokanichisa tona nanga ine aganaha.
Ia program-ko ong•atanio mongsonggipa ong•e sokgipa a•dokni Cabinet Minister Marcuise N Marak-ba jinmana aganprakangengon, ia manianiona an•tangko okamatahani gimin Dr Paulson M Sangma-ko mittelpilangenba, ian uni skanggipa changna World Homoeopathy Day-ko manianio bak ra•aniba ong•aha ine parakataha. Jolo songdongenggipa manderangna kakket ong•e dangdike on•engani gimin AYUSH doctor-rangko mittelpilangskaengon, mikkangchiba an•tangtangko on•kange songsalna dangdike on•angkuchina Marak didiangaha.
Meghalaya a•dokni Chief Minister Conrad K Sangma-ni dilanichi a•dok sorkari, an•seng baljokani kamrangna dingtangmancha gisik on•e kam ka•enga ine janapatengon, sanna bananirangko ra•engon sorkarini on•enggipa Megha Health Insurance Scheme-ni namgnirangko ra•china manderangko didiangenba, sorkarini on•enggipa sanna banani cholrangko manderangna nambate u•iatchina Marak, doctor-rangko aro skigiparangko mol•molangaha.
Ia salko manianio, re•anggipa April-ni 18 tariko ong•atanggipa Marathon Run 2026-o aro gipin su·saanirang-o chegiparangna boksisrangko aro certificate-rangko on•angjolaha.
Na·simang iakoba nina man·gen:
Na·simang iakoba poraina man·gen: Bon·kamgipa bobil dolrangni bame on·anichi, Mizoram a·dok bobil dolgrigipa a·dok ong·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
