Shillong, Jun 5: Sukrobar salo, World Environment Day-ko maniani bak gita Meghalaya a•dokni Chief Minister Conrad K Sangma, Upper Shillong-ni 5th Mile-o donggipa Sangmein-o bolrangko ge•dilangaha. Ia program-ko Forest & Environment Department ong•ataha aro ia program-o dingtangmancha Rhododendron bolko ripinge rakkina gita Rhododendron Trek-o bol chararangko ge•angaha.
Ia program-ko ong•atanio, a•dokni Chief Secretary Shakil P Ahammed, sorkari official-rang, songni dilgiparang, aro dingtang dingtang skulni chatro chatrirangba bak ra•angtokaha.
Ia program-ko ong•atanio, a•dokni Chief Minister jinmana aganprakengon, sorkari program-rangko ong•atanio dal•dalgipa manderangna simsakbatani pal pangnan ramram manderangna aro manderangni namgninasa simsakbatna nanga ine aganangaha.
Ia tom•anio ua dingtangmancha Meghalaya sorkarini pal, chatro chatrirangkoba mittelpilangaha aro chatro chatrirangni bak ra•ani aro on•gilanirangko mittelchina gita a•dokni Chief Secretary aro gipin official-rangko didiangaha.
World Environment Day-ni miksonganiko talate on•angskaengon, June jani 5 tarikara, samtangtango ong•telaigiparangna simsak nirokaniko on•na gisik ra•atani sal ong•a indiba ia salosan ong•aigija manderang, salantian samtangtango ong•telaigiparangna simsakna nanga ine Chief Minister aganaha.
World Environment Day-ko manianiara, salsanamangmangsan bolrangko ge•anio ba rongtal an•talatanirango bak ra•aniko miksonga ong•ja indiba salantian, bosturangko jakkalpilani, bijolirangko ripingani, nangjamiting somoirango light-rangko kimite donani, gari gora jakkalako komiatani, pangkamgipa cholrangko baseani aro cholko man•on bolrangko ge•anikosa miksonga ineba ua aganenba, iarangara chonbegipa kamsan ong•aigenchimoba, hajal kotok manderang apsan kamko ka•genchimode dingtanganiko ra•bana man•gen ine parakataha.
Ia program-o Rhododendron bolrangko ge•ani gimin janapatengon, ia bolrangko ge•aniara, samtangtango donggipa bol wa•arangko ripinganiosan ong•aigija, Meghalaya a•dokni Tourism-oba bang•en dakchakaniko on•gen ine Chief Minister aganaha.
Na·simang iakoba nina man·gen:
Na·simang iakoba poraina man·gen: Chokpot-ni Civil Soceities Chokpot jolo bijoliko tik ong•e man•jaenganina Tura, MePDCL-ni Chief Engineer-na memorandum ko on•angaha
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
