Guwahati, Sept 21: Robibar salo, git ring·anio namen mingsing minggamako man·gipa Zubeen Garg-ko bon·kame mande ra·aniko dakna hajalni hajal manderang Guwahati-ona tom·batokaha.
Singapore-oni ra·baenggipa uni manggisi pringni 7:05 bajio Lokpriya Gopinath Bordoloi International Airport-ona sokbaaha. Iani gisepon, uni manggisiko ra·bachakgipa coffin ba mangsunduk dal·ani a·sel official-rang neng·nikaniko chagrongna nangao ga·akaha.
Delhi Airport-o, Skotong Minister Himanta Biswa Sarma aro gipin dilgiparangba uko pulrang baksa bon·kame mande ra·aniko dake, uni git “Mayabini” ingipa gitko ring·angaha. Indake ong·engon ian ong·bebeaha ine ua da·onaba bebe ra·na gita man·kujaenga ineba Sarma aganangaha.
Guwahati Airport-o, Zubeen-ni jikgipa Garima Saikia Garg uni manggisiko ra·chaksoaha. Bang·a uko namnikgiparangan ka·a be·e grapan baksana uni bimungko minge chrikenba, uni gitrangko ring·angaha. Uni manggisiko skanggipa Kahilipara-o donggipa uni nokona ra·angenba, jamano jinma uko bon·kame mande ra·aniko dakna man·a gita Sarusajai Stadium-ona ra·angaha. Uko bon·kame nirikan baksana mande ra·aniko dakna sak hajalni hajal bang·a manderang nichaksotokaha.
Assam gimikoni manderang uko bon·kame nirikna re·baani gimin pilak dokkanrang, anti charam biaprang aro jillao gari gora re·anirangko dondikattokaha.
Zubeen-ko namnikgiparang uni sianiko pangnaba man·piltaijanagipa gimaani ine aganengon, ua saksa git ring·gipasan ong·aija indiba Assam-ni kakket-gipa ku·rangba ong·achim ine aganangaha.
Na·simang iakoba nina man·gen:
Na·simang iakoba poraina man·gen: Sianggipa Zubeen Garg-ko Tura-o mande ra•aniko daka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
