Guwahati, Sep 21: Prime Minister Narendra Modi September 22 tariko Arunachal Pradesh aro Tripura-ona re•ange kror ₹5,100na baten project-rangko oprake aro pangchakani ro•ongko songe on•anggen.
Itanagar-o chu•gimik ₹3,700-ni mongsongonggipa hydropower project ge•gni- chong•motan Heo Hydro Electric Project (240MW) aro Tato-I Hydro Electric Project-na (196 MW) pangchakani ro•ongrangko songgen. Siyom sub-basin-o ia project-rangko ra•baanichi ua jolni hydroelectricity-ko jakkalna aro namgipa energy-ko man•na kam ka•anggen.
Una agreba Tawang-o 9,820 feet chugipa biapo gital Convention Center-ko rikna pangchakani ro•ongko ua songe on•gen. Iano sak 1,500 delegate-rangko sokchakna biaprangko tarigen aro dingtang dingtang conference-rang, exhibition-rang aro tom•bimonganirangko ong•atgen.
PM Modi kror ₹1,290-ni dingtang dingtang project-rang jekai rama-jal•langrang, an•seng-baljokani, wa•al kamaoni naljokani aro working women hostelrangni rikanirangna kamrangkoba a•bachengatgen. Ua jolo donggipa kajina gamgiparang, bading-chiwalgiparang aro dingtang dingtang karkanarangko chalaigiparang baksaba GST-ni gital niamrangni gimin agangrikanggen.
Uni ja•mano Prime Minister Tripura-ona re•ange Gomati a•jani Matabari-o donggipa Mata Tripura Sundari Temple-ko rikdapaniko oprake on•anggen. Ia PRASAD scheme-ni ning•o jako ra•gipa project mondir-ni ramarang, napani cholgugarang, nalarang, ari-o bera kaabirang aro gadanggitam nok, bi•chakani dringr-rang, guest room-rang aro office-rangko taridapaha.
Ia mondir, dam 51 Shakti Peetha-rangoni damsa ong•a aro ian bebera•giparangna namne gamchatgipa onh•a. Iako taridapanichi toursim-ko bang•batatna, manderangna janggi tangani cholrangko on•na aro a•doko silroro-namroroaniko ra•bana man•gen ine ka•dongsoenga.
Na·simang iakoba nina man·gen:
Na·simang iakoba poraina man·gen: Zubeen Garg-ko bon·kame mande ra·aniko dakna hajalni hajal manderang ramao nichaksotoka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
