Guwahati, Jan 3: Guwahati-ni Sessions court-o gittamgipa saloja kingkingba dos dakgiparangni kosako badi ka•anirang dongjani giminn, Zubeen Garg-ni jikgipa Garima Garg Sonibar salo an•tangni jajrenganiko parakataha.
Sorkari-ko bilakgipa public prosecution team-ko dakchina aro somoi gita kakket bichalko on•na man•na ine dingtangmancha court-ko ong•atchina ine kachario bichal ka•anirangko dakani ja•mano ua sorkariko mol•molaniko dakaha.
Bang•a matnangako man•gipa manderangan dal•dalgipa aro ru•uta bilsirangna kam ka•enggipa ukilrangko an•tangtangna ra•tokaha, uandake defence-nide namen bilakenga ine Garima Garg aganangaha.
“Da•alo dos dakgiparangni kosako badi ka•aniko sakjaha. Amrit Prabha Mahanta-na kam ka•enggipa ukil, Anand Bhutan skanggipa changna da•al mikkangpa•aha aro uni palo petition-ko on•aha. Siddharth Sharma-ba an•tangna Anil Mishra-ko rakkiaha, aro knaani gitade ua Supreme Court-ni ukil ong•a. Una kam ka•enggipa ukilrang changgipin hearing-o video conference gita mikkangpa•gen,” ine ua parakataha.
Uandake, Shyamkanu Mahanta-ba Kolkata-oni ukilko rakkiaha ine ua agandapaha, indiba uni bimungkode namedake u•ijaha.
Sandipan Garg aro Paresg Baishya an•tangtangni legal counsel gita petition-rangko on•ataha, aro Shekharjyoti Goswami an•tangna ukilko rakkiaha, indiba ua ukil an•tangde kachariona mikkangpa•na re•bajaha.
“Chingni nikani gitade, matnangako man•giparang namen bilakgipa defence team-rangko dakaha aro kachario dakgrikna namen tariaha. Da•ode, chinga public prosecution-oni ba namen bilakna nangenga,” ine Garima Garg aganaha.
Uandake ua manderangni ka•dongna man•gippa kamrangna changgipa-sapgipa public prosecution team-ko rakkichina a•dok sorkariko mol•molaha.
“Bilakgipa public prosecution team-ko rakkigen ine a•dokni skotong minister ia bilsini skanggipa salo parakataha. Una agreba, special court-ko dakna ine ua High Court-ko mol•molgen ineba aganaha. Chinga uno chu•gimik ka•donga aro iako ru•utgija somoirangni gisepon matchotatgen ine chinga ka•donga,” ine ua aganaha.
Ia obosta ong•anio sak 394 sakkorang donga, aro special court-ko dakjagenchimode bichal ka•anirangko ru•utatgen ine Garima Garg talatangaha.
“Da•o January 17 tariko kachario mikkangpa•aniko dakgen. Chargesheet-ko tarina aro poraie nina aro dakna nanganirangko chu•gimik tarisamsona prosecution team chu•onge somoi nanggen. Bilakgipa public prosecution team-ko rakkina gita aro special court-ko dakna anga changsatau Skotong Minister-ko mol•molata, ong•jaode ia case ru•uten somoi nanggen,” ine ua agandapaha.
Na·simang iakoba nina man·gen:
Na·simang iakoba poraina man·gen: Skylance G Momin-ni gimin talbate ma·sie ra·na
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
