Guwahati, Sept 29: Git ring·anina mingsing minggamako man·gipa Zubeen Garg sagini jikgipa Garima Saikia Garg, uni segipani siani chong·mot kattako u·ina man·kuja baksana aganchakaniko on·china, ua Zubeen sagini sia jaman skanggipa changna ku·wataniko dakchengaha. Zubeen sagiara skango sibreng siani ba matri saa dongani gimin una mingsa nangchongmotgipa samko on·a nanggipa dongachim aro una pangnan ua samko uni jikgipa on·aniko dakrongachim ine ua talate on·angaha. Iani gisepon ua uni segipa sagi baksa September jani 18 tariko bon·kamgipa golpoani somoioba ia Yatch Party-ni gimin mamingkoba golpoata dongjaen iani bidingo ua mamingkoba u·ijachim ineba ua janapataha.
Indake ong·engon, ua uni segipa sagini Manager Siddhart Sharma aro ia program-ko ong·atgipa Shyamkanu Mahanta-ko Zubeen sagina simsakgijanina, uni neng·aniko nigalanina aro Life Jacket ba maming naljokani gri uko sagalona re·angna on·anina matnangataha. Zubeen sagi saksa jat baseani gri pilak manderang baksa ku·cholsan nangrime dongna man·gipa ku·mong nangrimgipa “Bor Axom”-na jumang niksamsogipa ong·achim ine ua jinmana u·iate on·angaha. Re·baenggipa October jani 31 tariko nakatatna sienggipa Roi Roi Binale jawilwat-ko man·chape uni pilak matchotgijagipa kamrangko ua matchotgen ine ku·rachakanikoba dakangaha.
Ia ong·a obostani somoio donggipa pilak manderangni kosakon ua badi ka·anirangko dakangaha ine Garima u·iate on·angaha. Ua Singapore-ni authority-rang aro Assam police baksa koborrangko ra·griken dongenga ine u·iatengon, ta·raken Zubeen sagini siani chong·mot a·selko parakatna man·aba dongaha ine ua an·tangni bebe ra·anikoba parakataha. Iani gisepon ua Assam-ni manderangko chakpaaniko on·anina de·mitelaniko dakatengon, Zubeen-na kakket bichalko ka·e on·a gita ua gisikko mangrake rakkina ku·rachakaniko dakangaha.
Na·simang iakoba nina man·gen:
Na·simang iakoba poraina man·gen: Miss Meghalaya Bahun Nongrum, Miss Earth India 2025-ni 1st Runner-Up title-ko chea
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
