Guwahati, Oct 28: Zubeen sagini bidingo mongsonggipa matnangako man·gipa sakbonga manderangko sal-14 pattoko donchengani ja·mano, da·o sal-14na donangtaina hukumko on·aha.
October 28 tariko Chhath Puja-ni a·sel chutti ong·anichi kachariona re·ange mikkangpa·ani chol ong·jani gimin, matnangako man·gipa Shyamkanu Mahanta, Siddharta Sharma, Sandipan Garg, Nandeshwar Bora aro Paresh Baishya-ko Baksa District Jail-oni video conference ka·atenba Guwahati-ni Chief Judicial Magistrate-ni (CJM) kachariko mikkangpa·ataha. Uamangoni saksamangba da·ona kingking bail-na galatkujaenga.
Iana skang, October 15 tariko uamangko pattoko donna hukumko on·e Baksa Jail-o donangaha. Ua jolo bang·a manderangan matnangako man·giparangni kosako raken jegalanirangko dakengani gimin uamangko Baksa Jail-ona rimangani somoio bang·a police-rangko dongtimataha.
Uamangna agreba, uni salgipino Zubeen baksa dokgipa-dam·gipa Shekharjyoti Goswami aro Amrit Prabha Mahanta-ko Dima Hasao a·jani Haflong Prison-ona watatskaaha.
September 19 tariko Singapore-o jahas chongipao gakate cha·e-ringe an·senge romitingo Zubeen Garg chio sripe siaha. Ia obostani bidingo am·sandie nigiparang Zubeen sagi baksa Singapore-ona re·angpagipa sak-11 manderangko sing·doanirangko dakangaha aro ru·utgija salrangni gisepo saksa mandeni re·bapilani ja·mano uko sing·doanirangko dakanggen.
Uandake October 1 tariko, SIT-ni manderang Zubeen sagini manager Siddharth Sharma aro Singapore-o manianiko ong·atgipa Shyamkanu Mahanta-ko simsakgijani a·sel mandeni janggiko gimaatanina rim·aha aro Bharatiya Nyaya Sanhita (BNS), 2023-ni Section 61(2), 105 aro 106(1)-ni ning·o badi ka·angaha.
SIT da·o tangka-paisarangni aro ua somoio ong·gipa obostarangni bidingo sakkirangko sandiengkua. Singapore-o manianiko ong·atgipa Shyamkanu Mahanta, manager Siddharth Sharma, Zubeen-na doka-dam·aniko daktimgipa Shekhar Jyoti Goswami aro Amrit Prabha Mahanta, DSP Sandipan Garg aro Zubeen sagini sakgni PSO-rangko da·o pattoko donenga.
PSO-rangni account-rango kror 1.1-na baten tangka-paisarangko chipanirang parak ong·ani ja·mano Zubeen sagini siani bidingo ia tangkarang maiba nangdimani donga ine chanchichipe janapgimin manderangko rim·aha.
Na·simang iakoba nina man·gen:
Na·simang iakoba poraina man·gen: Rajabala-oniko me·chik bi·sako rim·srukani bidingo POCSO Act-ko ra·gata, matnanga man·gipako sal 14-na rim·e dona
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
