Tura, Feb 21: Garo Hills a·jani pilak Nokmarangna, tribal manderangni man·gni bilrangni gimin u·iataniko on·a miksonganio Indigenous People’s Right-ni bidingo salsani Workshop-ko Tura-ni Nokma Council-o ong·ataha.
Ia workshop-ko, Shillong-ni Grassroot Organisation ong·ataha, jeon, jatko a·kingko dilgiparang aro niamo pangchake dilgipa dolrang aro a·doko songdongkamgipa jatrangna tarigimin niam bidikko ripinge rakkienggipa dolrang bak ra·angaha.
Ia program-ko mongsongbate Garo Hills a·jani Nokmarangna ong·ataha, jeon, Nokmarangni ka·gni kamrang ba uamangni dai, Indian Constitution-ni Sixth Schedule aro a·doko songdongkamgipa manderangni bilrangni bidingo u·iataniko on·angaha.
Arts & Culture, Government of Meghalaya-ni gitcham Director C.T. Sangma(MCS), ia tom·anio mongsonggipa sokgipa ong·e bak ra·angaha aro unbaksana Roger Bini A Sangma, Disem D Shira aro Grassroot Organisation-ni CEO Mayfree Lyngdoh-ba dongpae bak ra·angaha.
Ia workshop-o, songdongkamgipa manderangni man·gni bilrangni gimin, a·ani bil, buring bolgrimrangko ripinge rakkiani aro customary law-ni bidingo, mongsongbate songadamo dongenggipa manderangna u·iatna nangchongmotengani gimin janapangaha.
Indake, Nokmarangni re·bae bak ra·anina aro uamango ka·donganiko parakahanina iandakgipa program-rangko mikkangchi ong·atangkuna kusi ong·aniko parakangan baksa, Garo Hills a·jani dingtang dingtang block-rango ia bilrangni gimin u·iataniko on·a apsandakgipa Awareness program-ko ong·atna chanchiman·aha ine ia program-ko ong·atgipa dolrang parakataha.
Na·simang iakoba nina man·gen:
Na·simang iakoba poraina man·gen: Baghmara aro Gasuapara-o MSSDS recruitment drive-ko ong·atanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
