Guwahati, March 16: New Delhi-o donggipa Election Commission of India-ni election-ni tarikrangko parakatani ja·mano, Assam-o skanggipa changna Assembly election-ko salsano, chong·motan April 9 tariko ong·atanggen Chief Election Officer Anurag Goel Sombar salo parakataha.
Assam sorkarini ra·chake on·ani ja·mano election-ni kamrangko Sombar salo namedake a·bachengataha ine Goel aganangaha. Ge 126 Assembly constituency-rang pilakon a·dokni District Commissioner office-rango March 16 tarikoni March 23 tarikona pringni 11 bajioni attam 3 bajiona nomination-rangko on·echina returning officer-rang u·iataniko on·ataha.
Uandake, District Commissioner-rangni office-rangan District Election Officer-rangni office dake kam ka·enga aro uanosan nomination-rangko ra·chakaigen ine talatenba, nomination-ni lekkarangko March 24 tariko namedake nigen aro March 26-ona kingking candidate-rang nomination-oniko bimungtangko ra·galna man·gen ine Goel aganangaha.
Uni ja·mano, Electonic Voting Machine-ni ballot paper-rangko basee sorkarini printing press-rangona chapa ka·na watatgen.
Service voter-rang, jekai sipai dolrangna, bijoli gita watatgipa postal ballot-ni lekkarangko March 27-o watatgen.
Election-ni campaign-rangko April 7 tarikni attamnni 5 bajiona kingking ka·anggen, aro uni ja·mano konta 48-na dontonganggen ine CEO aganangaha. Pu·onanirangko April-ni 7 tarik pring 7 bajioni attam 5 bajiona ong·atanggen, aro nanggenchimode, April 11 aro April 13 tarikrango pu·ontaianirangko ong·atgen.
February 10 tariko electoral roll-ko bon·kame chapa ka·aton, a·doko sak 2,49,58,139 pu·ongiparang donga ine u·ina man·aha ine Goel parakataha. Uni ja·mano bimungrangko on·dapdape, sak 64,000-rangko man·dapaha aro March 15 tariko sak 2,50,21,413-ona tang·doaha.
Uamangoni sak 2,04,709 pu·ongiparang be·enni bilgriani donggiparang ba persons with disabilities ong·a (PwD) aro bilsi 18-19 ong·gipa pu·ongiparang sak 6,28,903-ona tang·doaha ine nikna man·aha. Bilsi 20-29 ong·giparangan sak 66,55,376 pu·ongiparangchi bang·batgipa ong·enga.
Una agreba, pu·ongiparangoni bilsi 85 aro una batgiparang sak 1,02,472 donga, unoni sak 2,482 bilsi ritchasa ba una batgiparang ong·a, aro sak 63,296 pu·ongiparang service ka·engkugiparang ong·a.
Assam-o da·o dam 31,486 polling station-rang donga baksana auxiliary station-rangko chane gimik-gimang dam 31,490mang donga.
Dalgaon Assembly Constituency-o sak 3,17,110 pu·ongiparang donganichi bang·atgipa ong·a, aro Amri Assembly Constituency-o sak 1,00,494 pu·ongiparang donganichi komibatgipa ong·a.
Unbaksana, Mankachar Assembly Constituency-on dam 402 polling station-rang donganichi bang·batgipa ong·a aro Dotma Assembly-o dam 146 polling station-rang donganichi komibatgipa ong·skaa.
Na·simang iakoba nina man·gen:
Na·simang iakoba poraina man·gen: Ma•gri pagri bi•sarangna KSU simsak nirokaniko on•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
