Srinagar,Jul 3: Chang 26-gipa Kargil Vijay Diwas-ni salko gisik ra·ani bak gita, Akhil Bhartiya Poorva Sainik Seva Parishad dol, India a·songko naljoke rakkina aro Pakistan-rangko warachakna, 1999 bilsio Kargil War-o dakgrikanio janggitangko on·kanggipa sipairangko mande ra·aniko dakna miksonganio kamoni neng·takgimin sipai dolrangna aro Veer Naris ba dakgrikanio sianggipa sipairangni jikdrangrangna dingtangmancha Srinagar, Drass aro Kargil-ona songreaniko ong·ataha.
Ia songreanggipa dolrangko, kamoni neng·takgimin aro Indian Naval Academy-ni Principal gitcham Rear Admiral Rajvir Singh dilangaha. Uamang Srinagar-ni Badami Bagh Army Base-ona 2025 bilsini July 2 tariko sokangaha, jeon uamang Chinar War Memorial-o sianggipa sipairangko gisik ra·e mande ra·aniko dakangan baksana Ibadat-e-Shahadat Museum-ona re·angenba, Jammu aro Kashmir-ni itihas, uamangni dakbewal rikbewalrang aro jolo tom·tomaniko ra·bana Indian Army-rangni kamrangko ka·ani gimin talbate u·ie ra·na gita man·aha.
Re·anggipa dolrang, Chinar Corps-ni Commander-koba grongbana cholko man·aha, jeon ua kamoni neng·takgimin aro Kargil War-o ka·dongbee aro an·tangtangko on·kange dakgrikdilanggiparangko de·mitele aganangaha.
Ia apsandakgipa tom·bimonganiko Srinagar, Drass aro Kargil-oba ong·atanggen, jeon uamangni on·kanganikosan gisik ra·aijawa, indiba ia mongsongbegipa salko gisik ra·ani bak gita India a·songni ka·dongani, ku·cholsan ong·ani aro a·songtangna ka·saanikoba manianggen.
Na·simang ia video-koba nina man·gen:
Na·simang iakoba poraina man·gen: Chipgimin alloy-ni karkanani bidingo Dorbarko bakrimatchina Meghalaya Pollution Board-ko dabia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
