Shillong, July 3: Bristibar salo West Khasi Hills a·jani Rwiang songni Dorbar Shnong-ni manderang Meghalaya State Pollution Control Board-ni (MSPCB) Chairman-ko gronge, Shri Shakambari Ferro Alloys Private Limited-ko chipna hukum on·aniko ra·galpilna ine tik ka·na skang, dorbar shnongni manderang baksa chanchirimaniko dakchengna nanga ine dabiaha.
Samtangtangko rakkiani niamrangko pe·ani gimin karkanako jagittamna chipe donaha, aro uko kulina on·pilna skang pilak dongimin niamrangko ja·rikatchengna nanga ine dorbar shnong-ni manderang MSPCB-na aganaha.
Dorbar Shnong baksa agangrikchenggija karkanako kulipilna on·na ine tik ka·aniara samtangtangko chel·chakna boardni gisik nanggijaniko mesoka ine Rwiang songni Sordar, Wiljoi Iawphnia parakataha.
Samtangtangna nisianiko ra·baanina, dorbar shnongni karkanako chipatani ja·mano, February 23 tarik 2025-o board-ni gita karkanako chipna u·iataniko on·aha ine Meghalaya Commercial Truck Owners and Drivers Association-ni (MCTODA) President Mosklandar Marngar aganaha.
Boardni ge·etgimin gita chibima-ona jokanggipa a·dipprarangko karkanani manderang rongtalataha ine report-ko on·anio pangchakesa karkanako chipaniko kulina on·pilna ine board tik ka·aha ine tom·ani somoio ua u·iataha. Indiba, karkana-oni indake mamung ja·ku de·aniko nikkuja ine dorbar shnong aganskaaha.
Niamko pe·anina dai gamaniko tangka lak 33.60-oniko lak 8.40-ona tang·onatna ine board-ni tik ka·aniko dorbar shnongni manderang sing·doaha, aro manderangni janggirang aro samtangtangko naljokataniko gamchate ra·ja ine matnangaha.
Uandake uamang mamungko donnuani gri ong·atna aro kamrangko name ka·atna ine rai-rangko ra·anio dorbar shnong-ko uamang baksa bakrimna on·china dabiaha.
Karkanako kulipilna on·china dorbar shnong bang·en sinjetanirangko man·enga ine Marngar parakataha. Indake ong·genchimoba, dorbar shnong uamangni nangnikanio ga·chatenga, aro boardni manderang uamang baksa a·bachengonin bakrimahani gimin, indake nangchongmotgipa chanchirimanirang jekai karkanako chipataniko ra·galpilna tik ka·anirango, uamang baksa bakrime chanchina nanga ine ua talataha.
Na·simang ia video-koba nina man·gen:
Na·simang iakoba poraina man·gen: ICAR-ATARI-ni 9-gipa Foundation Day-ko mania
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
