Shillong, Jul 3: Adita salrangna skang, Umiam-o donggipa ICAR-Agricultural Technology Application Research Institute (ATARI) Zone VII-ni changskugipa Foundation Day-ko manianio, Meghalaya a•dokni Agriculture & Farmers Welfare Minister Ampareen Lyngdoh-ba dongpae bak ra•angaha.
Ia program-ko ong•atanio, dambonga a•dokrangoni, gama ge•ani kamrango nangchakegipa dingtang dingtang department-rang aro research organization-rangba bak ra•angtokaha.
Ia tom•bimonganio a•dokni Agriculture Minister Ampareen Lyngdoh, jinmana aganprakangengon, a•songni gama ge•ani kamrango Krishi Vigyan Kendra (KVK)-rangni mongsonggipa bak ong•ani gimin aganangenba, a•doko gama ge•ani kamrangko nambatatna gita a•dokni department-rang, ICAR-ni institute-rang aro game ge•e cha•enggipa manderang baksa bakrime kamko ka•engani gimin KVK-rangko mittelpilangaha.
Ia program-ko ong•atanio, dam 43 KVK-rangni exhibition stall-rangkoba Minister-ni jakchi oprake on•angaha.
Iana skang, ICAR-ATARI Umiam-ni Director Dr AK Mohanty-ba jinmana aganprakengon, dambonga a•dokrango maikai dam 43 KVK-rangchi gama ge•ani kamrangko namdapatna man•enga, uarangni gimin agan-talatanirangko on•angaha.
Ia tom•anio, Jorhat-o donggipa Assam Agricultural University-ni Vice Chancellor Dr BC Deka, ICAR-ATARI Umiam-ni changskugipa Foundation Day-ko maniani bidingo agan-talatanirangko on•angskaaha.
Na·simang ia video-koba nina man·gen:
Na·simang iakoba poraina man·gen: Guwahati-o bilsi 71 ong·gipa me·chikmako niroktimgipa so·ota
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
