Shillong, May 19: Sombar salo, Meghalaya a·dokni Skotong Minister Conrad K Sangma, Shillong Government College of Engineering-ko nirokeaha. Adita salrangna skang mangmangsan ia college, 2025-26 bilsirango Civil aro Electrical Engineering undergraduate course-rangko a·bachengatna gita AICTE-ni ra·chakaniko man·aha.
A·dokni Skotong Minister, Education Department aro Shillong Polytechnic College-ni official-rang baksa college building-rangko nirokean baksana college-o mairangko nangkuengachim uarangni bidingo u·ina gita skigiparang baksa agan-golpogrikanirangkoba dakangaha. AICTE-ni nangnikani aro class-rangko somoi gita a·bachengatna college-o on·a nanggipa namgnirangko namdapatgen ine Skotong Minister ku·rachakangaha.
Shillong Polytechnic-ni skigiparangba, Science and Technology Research-na dakchakaniko on·a tangka paisani gita dakchakanirangko janapataha. Iani bidingo, Skotong Minister an·tangni ku·monganiko on·paenba, Arts and Culture-ni bidingo am·sandianina dakchakniko da·o on·enggipa Chief Minister’s Research Fellowship (CMRF)-o mikkangchi Science and Technology Research-koba man·chapatgen ine u·iatangaha.
Ia college-ara East Khasi Hills-ni Mawlai-ni Kynton Massar-o ong·a, jean North Eastern Hill University (NEHU) baksa chaprimgipa ong·a. Ian Meghalaya a·dokni skanggipa sorkarini engineering college ong·a. 2025-26 bilsio Civil aro Electrical Engineering-o sak 30 chatro chatrirangchi ia bilsini class-rangko a·bachengatgen.
Na·simang ia video-koba nina man·gen:
Na·simang iakoba poraina man·gen: Tura-ni Mangsang Ampang Mahari board-ni porikkao name dakgipa chatro chatrirangna mande ra·pilskaaniko daka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
