Guwahati, Aug 17: Assam-ni skul damsani headmistress-ni a·songni nisanko mande ra·gijani video-ko social mediao wate gipaha aro uko police-rang Sonibar salo Nagaon a·jaoniko rim·aha.
Ia headmistress-ara Assam-ni bijangchio donggipa Nagaon-ni Samaguri joloni Fatema Khatun ong·a. Ua uni ka·enggipa skulo a·songni nisanko an·tangni ja·arangchi tem·aha ine koborrangko man·soaha.
Sonibar salo dingtang dingtang social media-rango watgipa video-o a·songni nisanko headmistress-ni ra·onnako nikna man·aha. A·songni nisanko Sukrobar attam Indpendence Day maniani matchote attmo raona somoi donmanahachim.
Uandake, Prevention of Insults to National Honour Act, 1971-ni ning·o Section 2-o pangchake police-rang ua headmistress-ko rim·aha aro Nagaon CJM court uko Sonibar salo sal-14na pattoko donna hukumko on·aha.
“Ua chatro-chatrirangni mikkango nisanko songdoaniko dakaha, indiba Sonibar pring 7:30 bajimango ua saksan re·bae skulni cholgugako oe, nisanko ra·onaha,” ine police officer aganaha.
Skulni dilgiparang Sukrobar salo nisanko ra·onnaha gualaha aro uandake songni manderangni matnanganiko man·e, headmistress chatro-chatrirangni sokbana skang pringni skulona re·baaha ine police aganaha.
Uni indake re·baon, ia sorkarini chalaigipa skulo a·songni nisanko mande ra·gija dakanina songni manderang jegalahani gimin ia headmistress skulona re·anggalaha ine ua jolo songdonggipa mande saksa aganaha.
Na·simang iakoba nina man·gen:
Na·simang iakoba poraina man·gen: Arunachal Pradesh-ni Laju songo te 6 nokrangko wa·al kama, Assam rifle dol dal·a a·sel ong·gnioniko champengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
