Shillong, Mar 1: Garo Hills Autonomous District Council (GHADC) election-o susana gita Scheduled Tribe (ST) certificate-rangko nangtelgnok ine GHADC-o Executive Committee-ni parakatani ja·man, iako Phulbari-ni gitcham MLA aro MDC SG Esmatur Mominin jegalatenba, Sixth Schedule ning·o iandakgipa niamrangko janapani dongjachim ine janapataha.
Indian Constitution-ni Sixth Schedule-o ADC-ni membor-rangko seokna dongimin niamrangni gimin janapatengon, District Council-o sak 30 membor-rang donga aro ianoni membor sakbrikode Governor-chi songe on·enba sak 26-kode, manderangni jakchi seokna niamrangko donaha ine Mominin parakataha.
Membor-rangko seokna man·gipa manderangni gimin janapatskaengon, bilsi 18-na batgipa manderang, jemangan electoral roll-rango bimingko segatmanaha, uandakgipa manderang, seokna bilrangko man·a ine Mominin parakataha. District Council-o seat-rangko kangna ba candidate-rangna ST certificate-rangko nangtelgen ine Indian Constitution-ni Sixth Schedule-o dongimin niamrang dongjachim ine gitcham MDC parakataha.
Iandakgipa niamrangko taridapnade ma·mong sorkarisa, a·songni niam bidiko pangchake bilko man·a aro District Council an·tangaride bil dongja ineba Mominin parakataha.
GHADC election-o susana nomination file ka·ani somoio ST certificate on·na nangtelgen ine niamko donataniara niamni a·palo ong·a aro Council-ni bilo ong·ja ine janapatskaengon, iani bidingo District Council-ni dilgiparang, Governor-oba sing·cheng sanchengjaha ine Mominin parakataha.
Iani bidingo ua da·o dipet kachario ra·bina miksonganirang dongkuja ine janapatengon, ia niamrango pangchake candidate-rangko election-o susana on·jagenchimode ua nangchakegipa bilrangona ra·anggen aro nanga ong·ode kacharioba doktikgen ine Mominin parakataha.
Tura Medical College-ko Public-Private Partnership (PPP) mode-o chalaina sorkarini tik ka·aniko jegalgrime da·o ia college-ko sorkarian jako ra·e chalaipiltaina tik ka·ahani gimin ua dingtangmancha Garo Hills-ni dingtang dingtang dolrangkoba mittelpilangaha.
GHADC-na dingtang electoral roll-o tarichina dabienggipani bidingo janapatskaengon, iandakgipa kamrangde Parliament-ni bilosa ong·a aro niam bidikko taridapna nanganirangba donga ine Mominin parakataha.
Na·simang iakoba nina man·gen:
Na·simang iakoba poraina man·gen: Assam-o me·chik saksa gari salpaka man·e sia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
