Shillong, Dec 19: A·dokni Skotong Minister Conrad K Sangma, Meghalaya a·dokni sak 23,000 Adhoc aro SSA skigiparangni pay scale, annual increment aro uamangni kamni naljokanina ra·bagimin proposal-ko a·dokni Cabinet-o ra·chakaha ine parakataha.
Adhoc aro SSA skigiparangni barigimin dormaharangko uamangni seniority-ni kri tarigimin proposal-ko ra·chakaha aro uamangni kamna kenchakani gri ong·aniko Contributory Provident Fund (CPF) baksa ku·rachakataha ine Skotong Minister Conrad K Sangma kobor ra·timgiparangna aganaha.
Ia barigimin dormaharangko 2026 bilsini April 1 tarik dipet on·anggen aro ian Christmas-na skang skigiparangna namgipa kobor ong·a ineba ua agandapaha.
Skigiparang, Education Minister aro officialrangko uamangni krenge kam ka·anina mitelpilskaan baksa, ian Education sector-o dingtanganiko ra·bana dakchakgen ineba ua aganaha.
Ian ru·uta somoirangna SSA aro Adhoc skigiparangni dabibaenggipa ong·a aro MDA sorkarini jakchi ia dabianirangko chu·sokatna man·ahanina ua namen kusi ong·a ineba Skotong Minister aganaha.
Na·simang iakoba nina man·gen:
Na·simang iakoba poraina man·gen: Taj Umiam Resort & Spa-na a·a pakwatanio CM bak ra·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
